داليا البحيري تكشف كواليس معاناتها وزوجها 4 ساعات في "ديب فريزر"

علقت الفنانة داليا البحيري، على نجاتها من حادث سير، تعرضت له خلال عودتها إلى القاهرة، بعد قضاء إجازة المصيف في الساحل الشمالي، مشيرة إلى معاناتها من المرض هي وزوجها خلال هذه الرحلة.

حادث داليا البحيري

وشاركت داليا البحيري متابعيها، بعض الصور من الحادث الذي تعرضت له قائلة: “الحمد لله على كل شيء طبعًا، لأننا لازم نحمد ربنا على كل حاجة وفي كل وقت”.

وتابعت: “اللي يعرفوني كويس هيعرفوا أني من محبي شهر الصيف جدًا، بحب البحر والشمس والسمار ولمة العيلة وكل حاجة في الصيف جميلة حتي فاكهته”.

وزادت البحيري: "بس الحقيقة السنة دي كانت من أسوأ الصيفيات اللي عدت عليا في الساحل، يتخللها بعض اللمحات الجميلة مع العيلة وبعض الأيام الطيبة".

وأضافت: "مناعتي وقعت وبقالي 3 أسابيع عيانة جدًا، جالي دور برد أو كورونا أو زي ما تحبوا تسموه، ولما ابتديت أخف شوية، حسن جوزي اتعدى وتعب جدًا! أكتر مني بكتير، لدرجة إننا اضطرينا نروح مستشفى! وقعدنا 4 ساعات هناك في الـديب فريزر! تكييف عالي جدًا جدًا، لدرجة إننا كنا موجوعين من البرد".

واختتمت قائلة: "كمان كان لازم أشكر رجال المرور اللي كلهم شهامة وساعدوني وركبولي الإستبن، آه نعم، كانوا عايزين يمشّوني بسرعة عشان في تشريفة سيادة الوزير معدية، بس برضو جدعان".

رسالة حادة 

في وقت سابق، علقت الفنانة داليا البحيري، على الانتقادات الموجهة إليها من قبل بعض المتابعين حول أسباب عدم ارتدائها الحجاب.

وقالت داليا البحيري عبر مقطع فيديو على موقع “إنستجرام”: “الناس اللي بتقولي البسي حجاب أنتم مالكم؟ دع الخلق للخالق، وممكن اللي مش لابسة حجاب عند ربنا أحسن من ناس كتيرة”.

وتابعت: "فيه ناس بتعلق تعليقات فيها قلة أدب وأنا مش بفهمهم، وأنا بحب أنشر طاقة إيجابية.. في الخمس دقايق اللي كتبت فيها حاجة وحشة فيها لو ست ربي عيالك فيهم أو بصي في السقف أفيد أو اسمعي مزيكا كنوع من أنواع العلاج النفسي".