زوجة سائق أوبر المتهم بخطف فتاة الشروق: "محمود محترم وعاوز يعتذر لأسرتها" (فيديو)

“جوزي طيب، و محترم والناس في المنطقة عارفة إنه شخص طيب وفي حالة ودائما بينزل ينظف المسجد، وده ابتلاء من ربنا”، بهذه الكلمات بدأت زوجة محمود هاشم، سائق أوبر المتهم بمحاولة خطف حبيبة الشماع فتاة الشروق، حديثها.

وقالت زوجة سائق أوبر في بث مباشر على "تليجراف مصر": "محمود في يوم الواقعة كان في مدينتي عشان يوصل الدكتور اللي شغال معاه وبعدها خرج قبل معاد الشغل بساعة وفتح خلالها أبلكيشن أوبر وأثناء ذلك جاء له طلب توصيل إلى منطقة الشروق جوزي وافق على الطلب".

طريق السويس

وتابعت “أثناء مرور زوجي بطريق السويس شعر بالبرد فأغلق زجاج السيارة ورش عطر على ملابسه من قزازة اسمها سكيب بـ10 جنية، وهنا تفاجأ بالفتاة ”حبية الشماع" تلقي بنفسها من السيارة وهي مسرعة".

وأضافت "وقف زوجي لعدة دقائق وهو مذهول من الموقف وسرعان ما اجتمع الأهالي حول الفتاة وشعر زوجي خلالها بالخوف وفر هاربا".

شركة أوبر

واستطردت “جوزي بعدها اتصل بشركة أوبر وقال لهم ما حدث وأخبروه أنه جار التحقيق في الواقعة ولم يتلقى اتصالا بعدها من الشركة، وبعد مرور نصف ساعة حضر زوجي إلى الشقة وأخبرني بتفاصيل الواقعة، وقال لي ”أنا غلط عشان سبتها ومشيت كان المفروض أقف وأنقلها إلى المستشفى".

تقديم الاعتذار

وواصلت “جوزي أخبرني أنه عايز يروح إلى أهل حبيبة الشماع فتاة الشروق ويعتذر لهم أنه تركها بعد الحادث”. 

مدرسة خاصة

توقفت زوجة سائق أوبر الشروق عن الحديث قبل أن تضيف قائلة: "أنا متجوزة محمود بقالي 9 سنوات وربنا كرمنا بـ3 أطفال، منهم واحد في مدرسة خاصة، وجوزي والله محترم ومعروف في المنطقة أنه من الشغل للبيت للمسجد".

وقالت "جوزي رفض ينزل الشغل تاني يوم من الواقعة عشان كان عارف أن الأجهزة الأمنية هتعثر على عنوانه من شركة أوبر وكان في انتظارهم، وقال لي: "أنا مش عايز أسيبكم لوحدكم أنتي والأولاد".

وأنهت الزوجة حديثها بالقول: “أنا بحب جوزي ومفيش خلافات بيني وبينه خالص، وآخر كلمات كانت لزوجي قبل القبض عليه "ربنا حاططني في اختبار و هخرج منه إن شاء الله".