"قرف واحترام".. مسلم يعلق على أنباء عودته لطليقته يارا تامر

حرص المطرب مسلم  على الرد على أنباء التي تداولت عنه عبر مواقع التواصل الاجتماعي التي زعمت عودته إلى طليقته، يارا تامر، مؤكدًا أن ما تم تداوله ليس سوى "ترند" لا أساس له من الصحة.

مسلم: إيه القرف ده

وكتب مسلم عبر حسابه الرسمي على منصة “إنستجرام” من خلال خاصية “الاستوري”: “إيه القرف ده، بجد الناس بقت مستنية أي ترند وخلاص، حتى في البيوت والزواج والطلاق بقى هزار وترند، جبت إمبارح تليفون جديد عادي جدًا زي أي بني آدم بيغير تليفونه كل سنة، يقوم صاحب الاستور ينزل فيديو قديم ليا أنا وطليقتي، ويعمل إنه جديد، وإن أنا بجيب لها هدية وأنا أصلًا بجيب ليا”.

وتابع: "متصور باتنين من عنده لأني كنت بنقي بينهم، وهي اختارت واحد بس أروح ألاقيه عامل ترند على حسابه، وقال إننا رجعنا لبعض، بجد مش مقدر حجم المشاكل اللي ممكن يعملها، أنا بس حبيت أوضح علشان ما بحبش المرض وحب الشهرة، الصور اللي نزلها معمولة بالـAI، وأنا دفعت تمن التليفون زي أي إنسان عادي جدًا، وأنا ويارا مفيش بينا غير كل احترام".

انفصال مسلم وزوجته

وفي سبتمبر الماضي، أعلن مسلم انفصاله رسميًا عن زوجته البلوجر يارا تامر، اليوم، بعد زواج دام 4 شهور فقط على خلفية الأزمات التي تعرضت لهما مؤخرًا.

وكتب مسلم عبر حسابه على منصة “إنستجرام”: "تم الطلاق بيني وبين مراتي، بسبب مشاكل أهلي اللي فضحتني قدام الناس، حسبي الله ونعم الوكيل في اللي كان السبب وخلى بينا مشاكل زي الزفت".

وتابع: "مش مسامح أختي ولا أمي ولا أخواتي كلهم بجد على كل حاجة وصلوني ليها، أنا بجد بعد الست دي مفيش ست هتخش حياتي تاني".