أسرة سوزي الأردنية خلال جلسة محاكمتها: "بتاخد في الإعلان 50 ألف جنيه بس"

شهدت المحكمة الاقتصادية بالقاهرة، اليوم، أولى جلسات محاكمة البلوجر سوزي الأردنية، على خلفية اتهامها بنشر وبث مقاطع فيديو خادشة للحياء عبر منصة “تيك توك”، تتضمن ألفاظًا نابية وعبارات منافية للآداب العامة،
وانتهت المحكمة إلى حجز القضية للنطق بالحكم في جلسة 29 أكتوبر المقبل.

ماذا قال والد سوزي في أولى جلسات محاكمتها؟

وحضر أيمن والد سوزي الأردنية جلسة اليوم برفقة زوجته، وقال في بث مباشر لـ “تليجراف مصر”: “اتهامات سوزي دي قديمة ومتحاسب عليها قبل كده، والإخوة المحامين اللي بيتكلموا على بنتي وجايين يطلعوا القديم يحاسبونا عليه تاني، (اللي هو لفظ الشارع اللي وراه)، المحكمة خلصت فيه ودفعت كفالة وخلصنا، بنتي يوم ما بتطلع إعلان كبير أوي بتاخد 50 ألف مش مليون، وكمان بتدفع نصهم للمصور والباقي تجيب بيهم أكل ولبس ليها”.

وأشار إلى أن نجلته لم ترتكب أي خطأ، وتقوم بدفع كل معاملاتها النقدية نقدًا “كاش”، ولم تتعامل مع أي أطراف أجنبية كما أشيع من بعض المحامين.

والدة سوزي الأردنية: “اتحسبت مرتين ومظلومة”

من جانبها، أمسكت والدة سوزي طرف الحديث، قائلة: “أنا بقالي 14 سنة بجري ببنتي، وبنتي بتعاني من أزمات صحية من صغرها، وإحنا بناخد فلوس من زمايلنا ومن أهلي علشان نودي لها زيارة، بنتي كانت مصدر دخل لينا، واتحطينا في ظروف وحشة، وكل حاجة اتخدت مني حتى بنتي عمري”.

وتابعت: “والله ما بنقبض دلوقتي، وحياتنا اتضررت، وأنا برد على الناس اللي بتقول سوزي مش عيانة وسوزي بتكسب أموال وبتاخد في الإعلان 200 ألف، بنتي كانت بتروح تعمل دعاية وتيجي، هي شغالة في الدعاية للمحلات والمطاعم، وأي محل عاوزها بيرن عليها وبيتعاملوا على السعر، عاجبهم بتروح، مش عاجبهم بتقعد”.

وأضافت: “بنتي اتحبست مرتين، مرة في قضية المبادئ والقيم الأسرية من سنتين ودفعت غرامة 300 ألف عام 2023 وهي كانت طفلة وقتها، ودلوقت جابوها وبيحسبوها على حاجة اتحبست عليها قبل كدا، هي مظلومة دلوقت وربنا كبير وربنا مش بينسى حد”.

وتابعت الأم: “الجيران والأهل واقفين جنبنا وبيطبطبوا علينا، وناس كتير واقفة جنبها حتى بالكلام، لكن البلوجرات مفيش حد منهم بيساعد، كله كلام، إحنا بنعيش الضغوطات دي بالصلاة لربنا، ووقت الفجر بنمسك المصحف”.

واختتمت حديثها قائلة: “كنت بقول لبنتي تبطل ومتشتغلش ومتكملش في المجال دا، وامشي جنب الحيط، إحنا مش قد المجال دا، وملناش دعوة باللي فوق، أنا رافضة بنتي تشتغل في السوشيال ميديا، ولو خرجت واشتغلت في المجال دا تاني أنا بنفسي هسلمها للحكومة”.

اقرأ أيضًا:

مرافعة نارية من النيابة بقضية سوزي الأردنية: فيديوهاتها هزل بلا قيمة

دفاع سوزي الأردنية يطلب دعم المحكمة لها: "خلونا ناخد بإيديها ونفهمها الصح"

انهيار سوزي الأردنية أمام هيئة المحكمة: "تعبت من الكلبشة"