ملك زاهر عن هشام جمال: أخ كبير وبأخذ رأيه في كل حاجة

كشفت الفنانة الشابة ملك زاهر، تفاصيل علاقتها بالمنتج هشام جمال، زوج شقيقتها ليلى، وعبرت عن مدى احترامها له وقوة العلاقة بينهما. 

علاقة ملك زاهر وهشام جمال

وحلت الفنانة الشابة ملك زاهر، ضيفة على الفنان شريف إدريس في بودكاست "مع شريف إدريس" الذي يُبث عبر "تليجراف مصر" ومنصاتها المختلفة". 
وقالت ملك زاهر: "هشام أخي الكبير ولدينا معرفة سابقة منذ سنوات عندما كان يعمل مع شقيقتي، وبمجرد أن بدأت قصة الحب بينهما كنت أول من علم".
وأضافت: “هشام يحبنا كثيرًا، وأحرص بشكل مستمر على الاستعانة برأيه في كل خطواتي، وإذا أثنى على أحد أدواري أعلم أنني تألقت في هذا الدور، والعكس عندما لا يحدثني عن دور بعينه”.

ملك زاهر: بابا ذكي وأحسن أب في الدنيا

وقالت ملك أحمد زاهر في بودكاست "مع شريف إدريس": “بابا هو أحسن أب في الدنيا علشان هو ذكي، بمعني إن في العموم أي أب وأم بفطرتهم بيخافوا على ولادهم بشكل جنوني خصوصًا لما يتصرفوا تصرف غلط أو تصرف سريع من غير ما يفكروا علشان يقدروا يحموا ولادهم”.
وتابعت: “بابا على قد ما بيخاف ويترعب علينا بس لما بيكون في مواقف هو عارف إن بنته لو مجربتش ووقعت في الحفرة برجليها وبعدين طلعت نفضت هدومها ورجعت له يبقى عمرها في حياتها ما هتفهم إن ده غلط فهو عمل معايا كدا”.

ملك زاهر: عرفت قد إيه بابا ذكي بسبب هذا الموقف

وقالت: “حصل موقف ما في حياتنا وأنا كان تصرفي غلط وماما كانت خايفة وقلقانة عليا إنما هو قالي جربي”.
واختتمت: “وفعلًا عرفت بعدها إن دي مش حاجة صح وأن الموقف اللي حطيت نفسي فيه ده مش حلو وأنه كان معاه حق من الأول بس عرفت قد إيه هو أب ذكي علشان لو كان منعني كنت هفضل فاكرة طول الوقت اللي أنا كنت عايزاه ده هو الجنة وبابا اللي منعني عنها”.

اقرأ أيضًًا: 

ملك زاهر: بابا بيسيبنا نقع في الحفرة علشان نعرف الصح من الغلط

بعد مرورها بأزمة صحية.. ملك زاهر توجه رسالة خاصة لوالدها

أول ظهور لـ ملك أحمد زاهر بعد أزمتها الصحية