دفاع "مسن السويس" يكشف تفاصيل صادمة بالواقعة: كسر نفسه أمام بنته (فيديو)

دفاع مسن السويس

أحمد عبدالباري

A . .A

أشعلت واقعة صفع مسن بمحافظة السويس أمام ابنته، غضب رواد مواقع التواصل الاجتماعي، وخلال ساعات قليلة تم القبض على المتهم الرئيسي، وجار التحقيق معه لكشف الملابسات واتخاذ الإجراءات القانونية.

دفاع "مسن السويس" يكشف تفاصيل صادمة بالواقعة

التقى “تليجراف مصر” بالمحامي، محمد بيومي دفاع "مسن السويس" ليكشف تفاصيل صادمة بالواقعة، وكواليس ما قبل الفيديو، قائلاً: "كان في خلافات قبل الواقعة بيومين وعوروا ابن الحاج في مناخيره بضهر المطوة، كل دا علشان يسيب الشقة رغم إن الراجل ملتزم وبيدفع الـ250 جنيه الإيجار، وفي الأول، المتهمين راحوا القسم اتهمو الحاج غريب وولاده إنهم سرقوا شقة مهجورة أصلا في الدور الرابع، وجهات التحقيق ملقيتش أي أدلة وعشان كدا أخلت سبيل الحاج وولاده".

محامي المسن: المتهم ضربه بالقلم وكسر نفسه أمام بنته

وأضاف بيومي في تصريحاته: "بيتوا النية وعملوله هو وولاده كمين وصحيوا الصبح اتهجموا على بنته وهي لوحدها، معندهمش نخوة ولا رجولة، البنت كلمت أبوها وحصلت مشكلة ومن هنا الحاج رفض يروح الشقة دي تاني، ويوم الواقعة كان راجع يجيب أدوية نسيها في شقته دي واتفاجئ بالمتهمين، جرجروه هو وبنته على تحت ومصممين يسيبوهم بيتهم، والحاج رفض الوضع وطريقة الكلام، راح المتهم عادل غريب ضربه، المتهم معندوش قلب ولا رحمة، لو كان ليه حق يروح للحكومة ولما تثبت دا تجيبهوله، ضربه بالقلم وكسر نفسه أمام ابنته، وهو مريض وراجل في حاله هو وولاده مش بتوع مشاكل، الجيران عارفة إن الناس دي بلطجية ورفضوا يتدخلوا".

تفاصيل واقعة صفع المسن بالسويس

في وقت سابق، نشر “تليجراف مصر” الواقعة التي بدأت بفحص أجهزة الأمن بوزارة الداخلية لمقطع فيديو وثق لحظة تعدي صاحب عقار على مسن مستأجر أمام ابنته في أحد شوارع محافظة السويس، للوقوف على ملابسات الحادث والتأكد من تفاصيله.

وتداول رواد مواقع التواصل الاجتماعي المقطع، الذي أثار حالة من الغضب بين المواطنين، وبدأت أجهزة الأمن التحرك للتأكد من ملابساته واتخاذ الإجراءات اللازمة.

شقيق زوجة مسن السويس ضحية الصفع: "بيحاولوا يطردونا من البيت"

التحفظ على طرفي واقعة صفع مسن بالسويس بسبب خلافات الإيجار القديم