"قطعته في 10 دقايق".. اعترافات المتهم بقتل إيهاب أشرف (خاص)

حصل "تليجراف مصر"، على نص اعترافات مدرس الفيزياء المتهم بقتل الطالب إيهاب أشرف، وطلب فدية من أسرته، والذي جرى إحالته إلى محكمة الجنايات التي ستنظر أولى جلسات محاكمته يوم 20 مارس المقبل.

واعترف المتهم بأنه أقدم على قتل المجني عليه، إيهاب أشرف عبد العزيز، باستخدام سلاح أبيض (سكين)، في الرقبة من الناحيتين، وأنه أصيب في إصبعي الإبهام والسبابة، لمحاولة المجني عليه مقاومته، مشيرا إلى أن الجريمة استغرقت 10 دقائق.

وقال: "أنا كنت ماسكه جامد وحاول إنه يحوش السكينة وأنا بضربه في بطنه بس هي جت على إيده اليمين ولما وقع على الأرض وإيدي فلتت من على بوقه قعد يستغيث ويقول الحقوني وساعتها أنا نزلت عليه بركبتي مرتين لحد ما قطع النفس".  

وتابع: “لما اتأكدت إنه مات بدأت أقطع الهدوم بتاعته لأن لقيت حجمه كبير وقررت أن أنا أقطع الجثمان واستخدمت نفس السكينة اللي أنا قتلته بيها وبدأت أقطعه من الجانبين بشكل دائري لحد ما وصلت للعامود الفقري وساعتها قلبته على وشه”.

وأضاف “حطيت السكينة بين فقرة من فقرتين العامود الفقري وفضلت أدوس عليها بظهر السكينة برجلي لحد ما كسرت العظمة بتاعة العامود الفقري وفصلت الجثمان لنصفين”.

وواصل المتهم: “بعد كده لما جيت أحط النصف العلوي في كرتونة فلقيت رأسه ظاهرة من الكرتونة فقررت أن أفصل راسه فرحت ماسك السكينة وبشكل دائري لحد ما فصلت رأسه وكده قسمت الجثمان لثلاثة أجزاء”.

وأكمل “الجزء السفلي ربطت رجليه الاثنين من الخلف بحبل دوبارة بتاعة الشيكارة الخيش في الحزام اللى كان لابسه إيهاب وحطيته في الشيكارة الخيش البني، وبعدين حطيته جوة الشيكارة البيضاء البلاستيكية وبعدين حطيته جوة الشيكارة الزرقاء وربطت الشيكارة بدوبارة من بتاعة الشيكارة الخيش والجزء العلوي من الجثمان عقب فصل الرأس وفرشت الكرتونة بأكياس زبالة سوداء”.

واستطرد: “ولما جيت أحط فيها الجثة عقب فصل الرأس لقيت أن الدراع اليمين هيخرج برة الكرتونة فأنا حاولت أقطعه بس لقيته هياخد وقت كبير، فحطيت الجزء العلوي من غير الرأس زي ما هو وحطيت الرأس في كيس أسود وحطيتها جوة الكرتونة وقفلتها بالغلاف بتاعها، وقفلتها بجزء من الحبل الباقي من الشيكارة البلاستيك”.