اعترافات المتهم بقتل "طالب الدقهلية": كنت هسدد ديوني وأبدأ حياة جديدة

حصل موقع “تليجراف مصر” على نص اعترافات مُدرس الفيزياء المتهم بالتخلص من الطالب إيهاب أشرف، وشطر جسده إلى 3 أجزاء، حيث قررت جهات التحقيق إحالته لمحاكمة جنائية عاجلة في جلسة 20 مارس المقبل.

وجاء في نص التحقيقات:

س: متي وأين حدثت الواقعة تحديدًا؟ 

ج: واقعة القتل حدثت يوم 13 فبراير، 2024‏، حوالي الساعة 7:15 مساءًا في أوضة الدرس اللي أنا مأجرها في الدور الأرضي في قرية 22 الأمل بجوار مدرسة الثانوية وأخفيت الجزء السفلي من جثمان إيهاب بعد ما قطعتها ورميتها عند كوبري الخُرس ما بين قرية النقعة وقرية 7 ثابت والجزء العلوي رميته تحت ماسورة مياه جنب المصرف اللي معدي من فوقيه كوبري الخلايفة والرأس ومتعلقات إيهاب رميتهم عند كوبري بحر النقعة في آخر قرية 22 الأمل والواقعة كلها بمركز الستاموني. 

 س: من كان برفقتك آنذاك؟ 

ج: كنت لوحدي

س: ما هي طبيعة علاقتك تحديدا بشخص المجني عليه/ إيهاب أشرف؟

ج: هو كان طالب عندي وبياخد درس عندي من شهر 10 سنة 2023

س: منذ متى تحديداً نشأت بينكم تلك العلاقة؟ 

ج: من شهر 10 لسنة 2023 لما ابن عمته/ كرم الحسن احمد وده يبقى صاحبي رشحني له انه ياخد عندي درس فيزياء

س: وما هي الأماكن التي كان يتردد عليك فيها المجني عليه إيهاب اشرف؟ 

ج: هو كان بياخد عندي درس يوم السبت والثلاثاء فبزياء في أوضة الدرس في قرية النقعة وكان بياخد عندي درس كيمياء يوم الأحد والأريعاء في سنتر في قرية المركزية

  س: وما هي آخر مرة تردد عليك المجني عليه إيهاب أشرف؟ 

ج: هو آخر مرة كان عندي يوم الواقعة يوم 13/2/2024‏ لما أنا قتلته في أوضة الدرس اللي في قرية النقعة.

س: ومتى انتويت تنفيذ جريمتك بقتل المجني عليه إيهاب أشرف تحديدا؟ 

ج: أنا الفكرة دي جتلي قبل يوم الواقعة بحوالي أسبوع، ومكنتش لسه محدد إن أنا هقتل إيهاب وأطلب فدية من أهله، بس قبل يوم الواقعة بحوالي أربعة أيام تحديدا يوم الجمعة 9/2/2024، فكرت إن أنا أقتل إيهاب وأطلب فدية من أهله، وحاولت إن أنا أنفذ الكلام ده يوم السبت، وقعدت أهزر معاه بالسكينة اللي أنا كنت شاريها، بس خفت بيني وبين نفسي أنفذ وأقتله. وبعد لما ابن خالي قابلني يوم الاثتين، وسألني عن الفلوس والأرباح اللي كان معاده ياخدها في شهر يناير 2024، فأنا قولت إن أنا لازم بكرة أنفذ مع إيهاب، علشان ألحق أطلب فدية ويلحقوا يبعتوهالي علشان أديله الفلوس بتاعته، وألحق أسدد الديون اللي عليا.

 س: وما الباعث على ارتكابك لتلك الجريمة؟ 

ج: أنا كنت بمر بضائقة مالية بسبب إن أنا ضيعت فلوسي في تطبيق مراهنات اسمه "one xbet" وكنت سالف فلوس من جماعة قرايبي وكنت مفهمهم إن أنا هشغل فلوسهم في تجارة الموبايلات مع واحد صاحبي مقابل أرباح أعلى من أرياح البنوك، بس الحقيقة أنا كنت براهن بيهم في التطبيق ده، وخسرت الفلوس دي والفلوس اللي أنا كنت محوشها، وكان فيه ناس زي ابن خالي له فلوس مستحقة في شهر يناير 2024، وبقية الناس فلوسهم في أغسطس، وأنا لما حسبتها لقيت إن أنا مش هقدر أوفي بالفلوس دي فقررت إن أنا أخطف واقتل وأطلب فدية علشان أسدد ديوني وأبدأ من جديد، بعد ما حذفت تطبيق المراهنات ده، لحد ما استقريت على إن أنا اقتل إيهاب.

س: وماهي جملة المبالغ التي قمت بالاستحصال عليها من أقاريك وذويك أنذاك؟ 

ج: أنا أخدت مبالغ على فترات متقطعة من عمي تقريبا حوالي  140 ألف جنيه ومن ابن خالي مبلغ حوالي 15 ألف جنيه ومن مرات عمي مبلغ 36 ألف جنيه تقريبا،  ومن ابنها مبلغ حوالي 22 ألف ومن مرات عمي التانية مبلغ 64 ألف جنيه والاتفاق إن بداية تسليمهم الأرباح على فترات لحد شهر 8 وكنت مفكر إن أنا لما أراهن هقدر إن أجيب نسبة الأرباح لأن كنت في بداية اللعية كنت بحقق نسبة أرباح كبيرة بس تاني يوم كنت بخسرهم وبعدين حسبت مع نفسي دخلي من شغلي في الدروس الخصوصية لحد ما يجي شهر 8 لقيت نفسي مش هقدر أوفي بكل الأرباح بتاعة الفلوس اللي أنا اخدتها من قرايبي بالإضافة إلى إن ابن خالي كان ميعاد استلامه للفوس كان في شهر يناير وكان المفروض المبلغ اللي هيستلمه حوالي 27 ألف جنيه.
 

س: وما هي الوسيلة التي استخدمتها في اقناع سالفي الذكر لمنحك تلك المبالغ آنذاك؟

ج: انا فهمتهم إن انا هشغل فلوسهم في أرباح الهواتف المحمولة وهرجعلهم فلوسهم بالأرباح وقبل كده أخدت من عمي ومرات عمي مبالغ بسيطة زي 2000 جنيه ورجعتلهم بعد 10 أيام الألف عليه 150 جنيه فهما حسوا إن الموضوع مريح.
 

س: ومتى تولت لديك فكرة ذلك الباعث تحديدا؟ 

ج: ده كان تقربيا قبل ارتكاب الواقعة بأسبوع وقبلها بأربعة أيام يوم السبت أنا كنت ناوي اقتله وهو عندي في الدرس وبعدين معرفتش أجيبها إزاي وخوفت بس يوم الثلاثاء 13/2/2024 قتلته وقطعته أجزاء ورميته علشان أخفي معالم الجثة.
 

س: وما هو طبيعة تطبيق "one xbet" تحديدا؟ 

ج: هو تطبيق وموقع إلكتروني للمراهنات نزلته من على جوجل بلاي وهو عبارة عن مجموعة من المراهنات اللي بتتم على ماتشات كورة أو أي رياضة من الرياضات اللي بتتذاع أو عدد الأهداف اللي يتتسجل وبيحاكي فيها الواقع وجوة التطبيق فيه ألعاب تانية زي الكوتشينة و الدومينو على نفس التطبيق ذه وانا كنت بلعب لعبة اسمها (سكراتش كارد) وده عبارة عن بخدش كارت بطريقة معينة وفيها نسبة كبيرة من الحظ ولو طلع التطابق رأسي أو أفقي أو مائل ده معناه مكسب وفي حالة الاختلاف بيكون خسارة وبربط الحساب بتاعي على التطبيق بالحساب بتاعي على فودافون كاش وببدأ أراهن بجزء من المبالغ اللي على حسابي ولما بكسب بينزلي المكسب على حسابي فودافون كاش.