مدحت العدل عن حادث المصوريّن: مبقاش فيه أمن صناعي والشركة لازم تتحاسب

علق السيناريست والمنتج مدحت العدل على حادث وفاة المصوريّن ماجد هلال، وكيرلس صلاح الذين غيبهم الموت، مساء أمس، إثر سقوطهما من أعلى ونش، خلال تصوير إعلان تجاري.

مدحت العدل: مفيش أمن صناعي

وقال مدحت العدل لـ “تليجراف مصر”: “أنا مش متابع التفاصيل، لكن شباب صغيرين وقعوا من على حاجة وهما بيشتغلوا وده جزء من الأمن الصناعي اللي مش موجود عندنا عمومًا”.

وتابع: “أنا يجيلي واحد يركبلي حاجة هقوله أنزل مينفعش تشتغل بالشكل ده لأن إحنا برضو مهملين، والشركة لازم تكون حريصة على أمان المصورين، والشركة اللي كانوا تبعها لازم يتم مقاضاتها”.

واختتم: “وأنا بتفرج على الناس اللي بتشتغل في أعمال خطرة زي البناء مفيش أي أمن صناعي من أي نوع وده لازم يتم حسابه”.

تارا عماد: حياة الناس مش لعبة

كما أعربت الفنانة تارا عماد عن صدمتها من الحادث المؤسف عبر حسابها بمنصة “إنستجرام”، حيث نشرت صورة الراحليّن وعلّقت قائلة: “اللي حصل مش طبيعي! ومينفعش يعدي كده، لازم يكون في تحقيق، ولازم نعرف إزاي موقع تصوير ممكن يكون من غير أي وسائل أمان أو تأمين! حياة الناس مش لعبة ومش المفروض تبقى تمنها إهمال أو غلطة فنية.. اللي حصل لازم يتفتح فيه تحقيق عاجل وواضح”.

سقوط المصورين من أعلى ونش

من جانبها، نعت نقابة المهن التمثيلية المصوريّن الراحليّن اللذينّ لقيا حتفهما إثر سقوطهما من أعلى ونش، خلال تصوير إعلان تجاري.

وقالت النقابة في بيان لها: “فقدت الأسرة الفنية اثنين من شبابها الذين حملوا الكاميرا بإخلاص وشغف”، كما توجهت النقابة بأحر التعازي لأسرتي الفقيدين.

فيما نعت إدارة مهرجان القاهرة السينمائي الدولي الفقيدين، مشيرة إلى الأثر العميق الذي خلفه رحيلهما في قلوب محبيهم وأكد البيان على حضور ذكراهم في أذهان المهرجان وفي كل لحظة وثقتها عدستهما.

اقرأ أيضًا: 

"صن كريت" تنفي علاقتها بالحادث المتسبب في رحيل ماجد هلال وكيرلس صلاح 

توفي أثناء أوردر تصوير، مشاهد من تشييع المصور ماجد هلال بالقليوبية

"ضحية حادثة الونش"، موعد عزاء المصور الراحل ماجد هلال