"شافت حاجة في شقته وهددته بها"، محامي سيدة الهرم وصغارها يفجر مفاجأة (خاص)

محامي سيدة الهرم وصغارها

خلود طارق

A . .A

فجر محمد كسّاب، محامي سيدة الهرم، التي توفيت مع صغارها الثلاثة، في جريمة هزت الرأي العام في الشارع المصري، مفاجأة صادمة، في الواقعة المعروفة إعلاميًا بـ"جريمة اللبيني".

المتهم بإنهاء حياة سيدة وصغارها الـ 3 بالهرم

وقال كساب خلال لقائه مع “تليجراف مصر": "المتهم معروف في منطقته بعلاقاته النسائية، وله سوابق مع النساء وبيصور ضحاياه ويبتزهم ومعروف عنه كده، الضحية لقيت حاجة في البيت عنده توديه في داهية، ولما ضايقها واتعرض لها عشان هي واحدة بطولها، هددته إنها هتسلم الحاجة دي للشرطة لو قرب لها، فقرر التخلص منها".

جريمة الهرم

وأكد :"عيالها كانوا شافوا شكله وعارفينه، وسامعين كل حاجة، عشان كدا مكنش ينفع يقتلها هي بس، عشان العيال هتقول اللي عرفوه عنه، والمتهم حاول ينهي حياة جنى بالعصير، ولكنها مأثرتش بيه أوي، ففضل يضربها على بطنها وكسر لها ضلعين، واستمر في ضربها على بطنها لحد ما جالها نزيف داخلي، وماتت وشالها ونقلها في مدخل عمارة في اللبيني".

استغليتوا وجع الناس في التريند

ووجه رسالة نارية عبر “تليجراف مصر”:" انتوا سايبين واحد أنهى حياة ٣ أطفال، ومتهزش وفضل شايفهم وهما بيفرفروا قدامه، بعد ما شربوا السم، وعمالين تقطعوا في شرف الست وتخوضوا في عرضها، التحقيقات هتكشف قد إيه الست دي شريفة ومحترمة، كل اللي كتب كلمة في حق الست دي هتقعدله وهيتحاسب عليها قانونيًا لأني هرفع قضايا على الناس دي، انتو استغليتوا وجع الناس عشان تعملوا تريند ونسيتوا تجيبولهم حقه".

من القاتل؟، صاحب بلاغ “طفلي الهرم” يكشف آخر كلمات “جنى” قبل وفاتها (فيديو)

شقة مستأجرة وسم في العصير، ضبط المتهم بإنهاء حياة سيدة وصغارها بالهرم