دفاع سما "طالبة الهرم": طالبنا بتفريغ الكاميرات واستدعاء مجري التحريات

طالبة الهرم

فتحي حسين محرر

A . .A

تنظر محكمة جنح الطالبية، اليوم الاثنين 3 نوفمبر، ثاني جلسات محاكمة المتهمين بالاعتداء على الطالبة “سما” بعصا خشبية، أمام مدرسة عثمان أحمد عثمان بمنطقة الطالبية.

تفريغ الكاميرات

وقال المحامي مجدي الرحماني، دفاع الطالبة سما، إنه طالب هيئة المحكمة في جلسة اليوم، بتفريغ كاميرات المراقبة المحيطة بمكان الواقعة، واستدعاء الضابط مجري التحريات في الواقعة، للاستماع لأقواله لعدم اكتمال التحريات.

إلقاء القبض على المتهمين

ألقت أجهزة الأمن بوزارة الداخلية، القبض على المتهمين بنصب كمين لتلميذة والاعتــداء عليها أمام مدرسة بمنطقة الهرم، بعد نشر "تليجراف مصر" للواقعة.

ووقعت طالبة بالمرحلة الإعدادية تدعى"سما"، ضحية اعتـداء وحشي من قبل أسرة إحدى زميلاتها، بسبب خلاف بسيط وقع بينهما في المدرسة.

والدة طالبة الهرم تروي التفاصيل

وقالت والدة الطالبة: "يوم التلات حصلت مشادة بين بنتي سما وزميلة ليها، البنت وقفت وسط صحابها وقالت على بنتي ساقطة، وهي مش كدا أصلًا، وده تسبب في شجار صغير، لكن بنتين من تالتة إعدادي تدخلوا وفضّوا الخناقة، والموضوع خلص".

وأضافت الأم في بث مباشر لـ"تليجراف مصر": "تاني يوم، رُحت أدي لبنتي المفاتيح عشان كانت ناسياها وأنا رايحة شغلي، وهي مدرستها مسائي، الساعة 4 ونص لقيت تلفونها بيرن، أنا متعودة تقولي (أنا مروحة)، لكن المرة دي قالتلي: الحقيني، وبعدها التلفون اتسحب منها، وواحدة ست كلمتني وقالتلي إن بنتي ضــربت بناتها الخمسة وليها حق عندي".

صراخ على الموبايل

وتابعت: "سمعت صوت بنتي وهي بتصرخ وبتتشتم، وعرفت إنهم مسكوا فيها، لكن ما تخيلتش الموضوع يكبر كده، قولتلها تديها التلفون ونقابل مديرة المدرسة، ولو ليها حق أنا هجيبهولها، لكنها قالت لبناتها سيبوها وقفلت السكة، اتحركت من شغلي في حدائق الأهرام، وبعدها صحاب سما كلموني قالولي: الحقي سما سايحة في دمها ومغمى عليها".

وأضافت: "بنتي مالهاش ذنب، إيه اللي عملته عشان يحصل فيها كده؟! دي بلطجة، الخمسة نزلوا عليها ضرب من غير رحمة، بنتي من يومها مش بتتكلم ولا بتاكل، وحالتها النفسية منهارة، وبتقول مش هروح المدرسة تاني".

والدة "طالبة الهرم": "بيهددوني بإيذاء بنتي إذا ما اتنازلتش"

بعد نشر "تليجراف مصر" للواقعة.. ضبط المتهمين بالاعتداء على الطفلة سما

محكمة الجيزة التعدي علي الطالبة سما التعدي علي طالبة الهرم

رابط مختصر