ننشر أقوال الفنانة هالة صدقي في تحقيقات السب والتشهير ضد خادمتها (خاص)

حصلت “تليجراف مصر” على نص التحقيقات الكامل في قضية اتهام الفنانة هالة صدقي، خادمتها بالسب والتشهير وابتزازها للضغط عليها لإعادتها للعمل، والتي تضمنت أقوال هالة صدقي. 

وقررت محكمة جنح العمرانية، في وقت سابق، إحالة دعوى الفنانة هالة صدقي ضد خادمتها، إلى المحكمة الاقتصادية لعدم اختصاص الدائرة.

نص التحقيقات في قضية الفنانة هالة صدقي

وجاءت أقوال الفنانة هالة صدقي في الواقعة كالتالي:

س: وما علاقتك بالمشكو في حقها ؟

ج: هي كانت المساعدة بتاعتي اثناء عملي.

س: منذ متى تربطكم تلك العلاقة؟

ج: من حوالي عشر سنين.

س: وما مدى تطورتها؟

ج: هي الأول كانت شغالة عندي في البيت وبتساعد فيه لحد من سنتين فاتت، بدأت أخدها معايا في الشغل كمساعدة ليا، أثناء التصوير والأعمال الخاصة بيا وبقا لما بيجيلي شغل ببلغ الإنتاج باسمها كمساعدة ليا علشان ينزل برضو اسمها في كشف المرتبات لو وجد لحد ما اتعرض عليا تصوير حلقة في برنامج شكرا مليون وساعتها أنا رشحتها لتصوير الفقرة اللي قلت عليها.

س: وما موضوع البرنامج أنف البيان؟

ج: موضوعه هما بيختارو شخصية عامة ومشهورة وتم اختياري لتصوير حلقة والمفروض إني اختار شخص له آثر في حياتي أقدم له جائزة من البرنامج اللي هو مبلغ مائة وخمسون ألف ريال سعودي، ويقوم ذلك الشخص باختيار شخص ثالث أثر فيه برضو يقدم له جائزة وهو مبلغ خمسون ألف ريال سعودي.

س: وما سبب اختيارك لسالفة الذكر للظهور رفقتك في ذلك البرنامج ؟

ج: هي كانت المساعدة بتاعتي وقلت أساعدها بالفقرة دي وتستفاد منها.

س: أيوجد تعاقد مبرم فيما بينك وبين سالفة الذكر بشأن ظهورها رفقتك؟

ج: لا هو كان الاتفاق شفوي بدون أي عقد، التعاقد كان بيني وبين البرنامج.

س: ومن المسئول عن إجراء ذلك البرنامج التلفزيوني؟

ج: هو فريق إعداد البرنامج والبرنامج تبع شركة إنتاج إمارتية والمنتج المنفذ سعودي علشان كده بيتم تقديم المبالغ المالية بالريال السعودي.

س: أتقاضت سالفة الذكر أي أجر مقابل ظهورها رفقتك؟

ج: هي في الأول كانت مفروض إن إحنا متفقين أن الفلوس اللي هتدفع من البرنامج تتقسم ما بينها وبين محروسة كجزء والجزء الباقي نتبرع بيه لمستشفى مجدي يعقوب، وأنا كنت متبرعة بكل أجري بدون أي مقابل ليا، بس هي فضلت تتكلم عن الفلوس والبرنامج والناس شافتني وأنا باخد الفلوس، فلما حسيت إن هي عمالة تتكلم في موضوع فلوس البرنامج قلت إني أديها فلوس البرنامج علشان محدش يطالبني بحاجة.

س: وما هي كيفية استلامها لتلك المبالغ ؟

ج: هي حسنة استلمت الفلوس بتاعتها كاش في إيديها، ومحروسة نفس الكلام وأخدت الفلوس في إيديها وكان في ناس شافوها وهي بتاخد الفلوس مني.

س: وما هي بيانات من أبصروا تسليم المبالغ المالية إليهما؟

ج: هو تامر سعودي السواق بتاعي وشاف وأنا بديلها الفلوس ونجوى اللي بتشتغل عندي في البيت.

س: ومتى كان ذلك؟

ج: كان في آخر شهر مارس اللي فات.

س: وهل كانت تستحق أي مبالغ مالية في حقك؟

ج: لا .

س: وما مدى وجود خلافات فيما بينك وبين سالفة الذكر؟

ج: هي كانت كويسة معايا لحد موضوع البرنامج وبعد كدة بدأت سلوكها معايا مبقاش مظبوط ومش عايز تظبط مواعيدها في الشغل وكثيرة الأعذار من مارس حتى أغسطس ونبهت عليها كذا مرة وبعد كده قولت لازم حد ينزل مكانها وبلغت الريجسير وده مسئول الأوردرات فهي كلمت الريجسير علشان تشوف الأوردرات بتاعتها فهي عرفت ان اسمها اتشال من الأوردرات، فبدأت تكلم كل اللي بيشتغلوا معايا علشان ترجع وأنا كنت رافضة، بعد كدة اللهجة اتغيرت في طلب الرجوع وبعتتلي مع بعض معارفي منهم سواق عندي اسمه سعيد قالتله “بلغ الأستاذة هالة إنها لو مرجعتنيش تاني الشغل هشوشر عليها وهي حرة ومترجعش تزعل” اتصلت تاني بالكوافير حسن جاد والماكيير عزيز وقالتلهم كلام بنفس المضمون.

س: وما سبب الخلاف بينكما؟

ج: هو بسبب إني مشيتها من الشغل علشان هي مكنتش مظبطة مواعيدها وشغلها معايا فأنا اضطريت استعين بحد من المساعدين السابقين ليا.

س: وما وسيلة انتهاء عملها رفقتك؟

ج: هي كانت قالتلي في نص أغسطس أنا هنزل إجازة انا واختي فقولتلها طيب إنزلي ومترجعيش غير لما أقولك ترجعي، وده طبعا لأن كان عندي تصوير ومحتاجة حد يكون معايا.

س: وما مدى تطور ذلك الخلاف؟

ج: هي كلمت الناس اللي شغالين معايا والمساعدين وقالتلهم إن أستاذة هالة لو مرجعتنيش ثاني الشغل هشوشر عليها وهي حرة ومترجعش تزعل.

س: وكيف نما إلى علمك ذلك؟

ج: أنا عرفت من عزيز صليب الماكيير وحسن جاد الكوافير وسعيد السواق بتاعنا.

س: وما مضمون ما أبغلك به سالفي الذكر؟

ج: هما قالولي إنها اتصلت بيهم كذا مرة، وقالت لهم إنها عايزة ترجع الشغل وإنهم يكلموني ولو مرجعتش الشغل عندي يبقى أنا استحمل اللي هي هتعمله ومزعلش من الشوشرة اللي هي هتعملها.

اقرأ أيضا:

إلهام شاهين تكشف كواليس موقف محرج في مهرجان الجونة

من مهرجان الجونة، هالة صدقي تكشف جانبا خفيا من شخصية يسرا

هالة صدقي تكشف تطورات الحالة الصحية لابنتها بعد حادث سيارة

تصالح سائق الفنانة هالة صدقي مع محطم سيارتها بحادث الشيخ زايد