بسبب بيض فراخ.. تفاصيل إنهاء حياة مسن على يد ابن شقيقه بصفط اللبن (خاص)

شهدت منطقة صفط اللبن جريمة مأساوية راح ضحيتها مسن يُدعى إبراهيم الحوتي، بعد تعرضه لاعتداء، على يد ابن شقيقه “عماد. أ”، الذي انهال عليه ضربًا بمفتاح أنبوبة الغاز، ثم طـعنه بىىىكين في رقبته، ليسقط المجني عليه قـتيلًا في الحال وسط صدمة أسرته وسكان المنطقة.

تفاصيل الواقعة

وكشفت منة إبراهيم الحوتي، ابنة الضحية، في تصريحات لـ"تليجراف مصر"، تفاصيل الخلافات العائلية التي سبقت الجريمة، مؤكدة أن التوتر بين والدها والمتهم لم يكن وليد اللحظة.

وقالت منة: "بابا وعمي بينهم خلاف من أول ما بابا جوز ابن عمي لأختي، لأنه كان بيضربها وجرح وشها بمطواة ولما بابا واجهه، قاله: هخيطها ومش هتخانق معاها تاني وإحنا صدقناه".

بسبب بيض فراخ

وأضافت: "آخر مرة ابن عمي قال لبابا متدخلش بيني وبين مراتي عشان مقتلكش، وبعد فترة عرفنا إنه ضرب أختي تاني، وهدينا بابا وقلنا له هي قابلة بالوضع وسيبها وإحنا ساكنين كلنا في بيت عيلة".

وتتابع منة روايتها للحظة الجريمة: "بابا طلع يأكل الفراخ، لقي بيض الفراخ كله مسروق، لما سأل ابن ابن عمي مين خده وزعقلُه، الواد جري قال لأبوه: عمك ضربني".

ضربه بمفتاح الأنابيب

وتقول إن لحظات قليلة فصلت بين الشكوى وبين وقوع المأساة: "ابن عمي اللي هو نفسه جوز اختي نزل على طول، ودخل علينا، وقتل أبويا قدام عنينا، ضربه بمفتاح الأنابيب أكتر من مرة على دماغه وصدره، وبعدها طعنه في رقبته، بابا مات في ثواني والدم غرق البيت".

قتلته وقال "ارتاحنا بقى إحنا مكناش عايشين"

وأكدت منة أن المتهم لم يحاول الهرب بعد الجريمة، بل تصرف ببرود صادم، قائلة:"بعد ما قتل بابا خرج وقال:"قتلته ارتاحنا بقى إحنا مكناش عايشين".

وعن الوضع الحالي، أوضحت:"هو مقبوض عليه وأنا مش عايزة غير حق بابا اللي مات قدامنا، وحق أختي اللي اتشوهت من زمان ومحدش وقف جنبها".

إقرأ أيضاً:

طعنة غادرة، أربعيني ينهي حياة عمه المسن لاتهامه بسرقة البيض في بولاق الدكرور