"كنا بنكسر الروتين"، ماذا قالت هدير عبد الرازق عن الفيديوهات الخادشة؟ (خاص)

حملت التحقيقات مع البلوجر هدير عبد الرازق، المتهمة بنشر مقاطع مُخلة بالآداب بالاشتراك مع  البلوجر "محمد.ع" الشهير بـ"أوتاكا"، تفاصيل متعددة أمام النيابة العامة، مؤكدة أنها لم تقم بتصوير أي مقاطع خاصة بنفسها، وأن من قام بالتصوير هم أزواجها.

وتواصل "تليجراف مصر" نشر نص التحقيقات التي تُنظر أولى جلساتها أمام المحكمة في 15 ديسمبر الجاري بعد إحالتها من النيابة، وجاءت أقوال المتهمة كالآتي:

أقوال البلوجر هدير عبدالرزاق في النيابة  

س: هل قام أي من أزواجك الثلاثة بتصويرك خلال علاقتك الزوجية بهم؟

ج: الفيديو الوحيد اللي أعرف إنه اتصور كان مع زوجي الأول "كريم.ع"، في شهر العسل، وكان على موبايله هو بس ومفيش أي حد تاني صورني.

س: وهل قمتي بتصوير أي مقاطع لنفسك خلال علاقتك الزوجية مع أي منهم؟

ج: لأ، انا معملتش كده ومصورتش أي فيديوهات.

س: هل لديك أي علامات مميزة بجسدك؟

ج: آه، مفيش غير تاتو على كتفي اليمين، كنت عاملاه من حوالي 6 شهور في مركز تجميل في مصر الجديدة.

س:  وما هو شكل تلك العلامة المميزة تحديدًا؟

ج: هو وشم على شكل نصف وجه.

س: وأين تم رسم ذلك الوشم تحديدًا بجسدك؟ 

ج: على كتفي اليمين.

س: وهل سبق أن قمتي برسم وشم آخر في نفس المكان؟

ج: لا، دي كانت أول مرة.

س: هل قمتي بممارسة العلاقة الزوجية مع "محمد.ع" (أوتاكا) بعد رسم الوشم؟

ج: لأ، انا ممارستش معاه أي علاقة بعد ما رسمت التاتو ده على كتفي، بس ثواني انا افتكرت حاجة.

س: وما هو ذلك الشيء تحديدًا؟

ج: انا عايزة أقول اني اتجوزت أوتاكا بعد انفصالي عن زوجي الثاني حسين بحوالي ثلاث أو أربع شهور يعني اتجوزت أوتاكا في أواخر سنة 2024، بعد ما أنا وحسين انفصلنا عن بعض، وعايزة أقول إني عملت الوشم يوم جوازي من أوتاكا في بداية سنة 2025.

س: ما هي فترة زواجك من أوتاكا؟

ج: اتجوزناه في 2024 والجواز استمر حوالي 4 شهور لحد يناير 2025 تقريبًا.

س: متى كانت آخر مرة حدثت بينكما علاقة زوجية؟

ج: في نوفمبر 2024، ومنذ ذلك الوقت لم تحدث أي علاقة.

س: ما تعليقك على ما قلتيه سابقًا بأن زواجك من أوتاكا كان في 2023؟

ج: انا اتلغبطت وافتكرت دلوقتي إني إتجوزته بعد ما انفصلت عن حسين لأن أوتاكا كان بيدافع عني في الفيديو الأول اللي انتشر ليا.

س: هل قام أوتاكا بتصوير أي مقاطع خاصة لك؟
ج: لأ.

س: وهل قمتي أنت بتصوير أي مقاطع خلال العلاقة الزوجية معه؟

ج: لأ، انا مصورتش أي حاجة بينا في العلاقة.

س: ما قولك فيما تم عرضه عليك في المقطع الأول؟

ج: دا أنا وزوجي حسين.

س: أين صور المقطع؟

ج:  كان في بيت حسين في العبور، ومعرفش صوره إمتی وماكنتش أعرف إنه بيصورني .

س: وهل علمت بتصويره في ذلك الوقت؟

ج: لأ، مكنتش أعرف إنه هو بيصور.

س: ما قولك فيما تم عرضه بالمقطع الآخر؟

ج: ده أنا و"كريم.ع" وقت ما كنا متجوزين أثناء ممارسة العلاقة.

س: وما هي ظروف تصوير ذلك المقطع تحديدًا؟

ج: هو ده كان في بيت كريم اللي في المهندسين ودي بقية للفيديو اللي انتشر قبل كده ليا أنا وكريم لما كنا في
شهر العسل.

س: وهل كنتي على علم بتصويرك؟

ج: أيوه كنت عارفة إنه بيصور.

س: وما هو غرض سالف الذكر من القيام بالتصوير؟

ج: هو كان بيقولي نجرب حاجة جديدة وإحنا في العلاقة مع بعض.

س: وهل وافقت على قيامه بتصويرك آنذاك؟

ج: أيوه أنا كنت موافقة.

س: وهل تم نشر ذلك المقطع عبر أي من مواقع التواصل الاجتماعي؟

ج: أيوه أنا فوجئت إنه منتشر على تليجرام وبعدين في كذا حتة.
س: ومتى تم نشر ذلك المقطع تحديدًا؟

ج: هو انتشر في شهر 2024.

س: ومن القائم بنشر ذلك المقطع؟

ج: معرفش.

س: ما قولك فيما تم عرضه من مقطع لك مع أوتاكا؟

ج: ده فيديو ليا مع أوتاكا وقت ما كنا متجوزين.

س: وما هي ظروف تصوير ذلك المقطع تحديدًا؟

ج: أنا معرفش الفيديو ده اتصور إزاي بس إحنا ساعتها كنا في شقة اوتاكا في كمبوند أليكو سيتي في أكتوبر، والفيديو احنا كنا متجوزين ساعتها ومعرفش إتصور ازاي

س: ومن القائم بتصوير ذلك المقطع تحديدًا؟

ج: لا معرفش أنا أول مرة أشوف الفيديو ده دلوقتي.

س: وما قولك فيما ثبت للنيابة العامة من الاطلاع على ذلك المقطع من قيامك بتثبيت الهاتف المحمول على الحامل قبل البدء في تصوير المقطع مع أوتاكا؟

ج: هو أنا فعلًا اللي صورته .

س: وما قولك فيما سبق وأن قررت بعدم علمك بتصوير ذلك المقطع ؟

ج: أنا مكنتش فاكرة اللي أنا مصوره.

س: وما هو سبب قيامك بتصوير المقطع؟

ج: أنا صورته من غير سبب حاجة جديدة تغيير.

س: وما هو وجه التغيير في قيامك بتصوير العلاقة؟

ج: يعني بتكسر الروتين.

س: وهل كان تصوير المقطع لرغبتكم في نشره؟

ج: لا طبعًا.

س: ما هي وسيلة قيامك بتصوير ذلك المقطع تحديدًا؟

ج: أنا صورته بموبيل أوتاكا.

س: ومتى تم تصوير ذلك المقطع تحديدًا؟

ج: ده أول ما اتجوزت أنا وأوتاكا في سنة 2024.

س: هل تم نشر ذلك المقطع بايًا من تطبيقات التواصل الاجتماعي؟

ج: استحالة أنا مشفتش إنه اتنشر خالص.

س: وما سبب قيامك بتصوير هذا المقطع، رغم أنه سبق وتم تصوير مقطع آخر مع زوجك الأول كريم وتم نشره على مواقع التواصل، ورغم أن أوتاكا دافع عنك بعد انتشار ذلك المقطع، هل من المعتاد أنك تقومي بتصوير مقطع آخر معه أثناء العلاقة؟

ج: هو في الوقت ده كنت خارجة من اكتئاب وبحكم أن أوتاكا كان عايز يجرب موضوع التصوير وأحنا في العلاقة فعملت كده وصورت الفيديو.

س: وما هو سبب استمرارك في مجال التواصل الاجتماعي عقب نشر المقطع الخاص بك رفقة زوجك كريم وقد علمتي بنشر ذلك المقطع عبر تطبيقات التواصل الاجتماعي ؟

ج: عشان أنا كان نفسي أبقى حاجة كبيرة في مجال السوشيال ميديا زي البلوجر الثانيين وأنا معنديش حياة ولا أصحاب وأهلي مش احسن حاجة في الترابط الأسري فعشان كده مبلاقيش حاجة غير السوشيال ميديا أعيش عليه وألهي نفسي فيه.

س:ما هو قصدك من تصوير المقطع مع أوتاكا؟

ج: أنا صورته عادي عشان نكسر الروتين.

س: وما هي كيفية ضبطك؟

ج: يوم 19/7/2025 حوالي الساعة 8 بالليل كنت نايمة في بيتي، لقيت حد بيخبط على الباب، لما فتحت لقيت حسين طليقي واقف ورا منه اتنين معرفهمش، فخفت وقفلت الباب، بدأوا يخبطوا جامد ويقولولي إنهم حكومة، فطلعت لايف على إنستجرام عشان كنت خايفة وبطلب استغاثة ومش فاهمة هما جايين يقبضوا عليّ ليه.

 بعدها كلموا والدي وجه، وقدر يقنعني إني أفتح، ولما فتحت روحت معاهم على قسم التجمع الأول، عملوا المحضر واتعرضت أنا وحسين على النيابة واتصالحنا، واخدت إخلاء سبيل، واتفاجئت وأنا في القسم إنهم طالبين عرضي تاني على النيابة في القضية دي.

س: متى وأين تم ضبطك؟
ج: يوم 19/7/2025 حوالي الساعة 8 مساء.

س: من كان برفقتك آنذاك؟

ج: كان معايا أختي وابنها.

س: من القائم بضبطك؟

ج: ضباط وأمناء شرطة.

اقرأ أيضًا:

إحالة هدير عبدالرازق وأوتاكا للمحاكمة بقضية الفيديوهات الخادشة

3 أزواج في 23 شهرًا، هدير عبدالرازق تتنصل من فيديوهاتها أمام النيابة (خاص)