اليوم، نظر استئناف البلوجر أم سجدة على حكم حبسها 6 أشهر

البلوجر أم سجدة

A . .A

تنظر محكمة القاهرة الاقتصادية، اليوم الثلاثاء، ثاني جلسات الاستئناف المقدم من البلوجر المعروفة بـ"أم سجدة" على الحكم الصادر بحبسها لمدة 6 أشهر وتغريمها 100 ألف جنيه، على خلفية اتهامها بالتعدي على القيم الأسرية.

أقوال أم سجدة

وحصلت “تليجراف مصر” على أقوال “محروسة.ج” المعروفة إعلاميًا بـ"أم سجدة" المتهمة بغسيل الأموال ونشر فيديوهات خادشة للحياء ومسيئة للقيم الأسرية.

وفيما يلي نص أقوالها أمام جهات التحقيق:

س: ما هي حالتك الاجتماعية تحديدًا؟
ج: أنا مطلقة رسمي من حوالي شهرين بس.

س: هل نتج عن تلك الزيجة أطفال؟
ج: أيوه، معايا سجدة عندها 9 سنين ومحمد 7 سنين.

س: ما محل إقامتك ومع من تقيمين؟
ج: أنا قاعدة دلوقت في المقطم في شقة بقالي فيها حوالي شهر ونصف وواخدها إيجار وقاعده فيها مع أولادي.

س: ما هو مؤهلك الدراسي؟
ج: أنا طالعة من التعليم بعد ما خلصت ابتدائي.

س: ما هي طبيعة عملك تحديدًا؟
ج: أنا بعمل محتوى فيديوهات على النت بأسوّق للناس منتجات.

س: منذ متى وأنتِ تباشرين ذلك العمل؟
ج: أنا بقالي حوالي سنة تقريبًا.

س: ما الذي حدث إذًا، وما هي ظروف ضبطك وإحضارك وعرضك علينا؟
ج: اللي حصل إني كنت قاعدة في البيت في المقطم لاقيت حكومة من قسم المقطم خبطوا عليّا وفتحت لهم ولاقيت ناس كتير داخلة البيت عندي وفتشوا البيت وسألوني عن موبايلي إديتهلهم وخدوني وطلعوا بيا على قسم المقطم، وهناك لاقيت ناس من تكنولوجيا المعلومات جت وخدوا موبايلي وقعدوا معايا وفحصوا موبايلي وسألوني عن فيديوهاتي قلت لهم إن دي فيديوهات للتسويق مش أكتر والباقي دا ترفيه عادي مقصدش بيه حد بعينه، وبعدين لاقتهم نزلوني الاستيفاء وعرضوني على النيابة، وهو دا كل اللي حصل.

س: ما قولك فيما ثبت بمحضر الضبط؟
ج: أنا مش بقدّم محتوي خادش للحياء، الفيديوهات دي هزار مش أكثر أو إعلانات وماعرفش هما بيقولوا كدا ليه.

أم سجدة بجهات التحقيق: "اتهموني في قضية ممنوعات وأخدت براءة" (خاص)

غسيل الأموالأم سجدةحكمة القاهرة الاقتصادية