"4 عيال للبيع"، أم توضح سبب أغرب فيديو صادم على مواقع التواصل

لقطة من الفيديو المتداول

فاطمة نصر محرر

A . .A

انتشر عبر منصات التواصل فيديو لأم تعرض أطفالها الأربعة للبيع، لضيق حالتها المادية، مشيرة إلى أنها على وشك أن تُطرد من منزلها هي وصغارها بسبب طليقها، ما أثار حالة من الجدل بين مستخدمي مواقع التواصل.

أربع عيال للبيع أو التنازل

وقالت الأم التي تدعى أميرة عبده: “دول أربع عيال للبيع أو للتنازل أو لحد يكون مابيخلفش، أنا عندي أربع عيال شقيانة عليهم من 6 سنين، وحاليًا خلاص مابقاش عندنا مكان نقعد فيه، الشقة اللي كانت حيلتنا هنطرد منها بسبب أبوهم”.

وأضافت: “اللي ماعندهوش عيال، أنا عندي 4 عندي البنات والصبيان”.

@elsafeer14 الأطفال مش سلعة ولا وسيلة ضغط، دول أمانة في رقبة أهلهم، وربنا حمّلنا مسؤولية نفسية قبل ما تكون مادية. تخيل أثر الكلام ده على نفسية طفل يسمع إن أمه بتعرضه للبيع؟ إحساس بالرفض، انعدام الأمان، جرح نفسي ممكن يفضل معاه طول عمره. الطفل محتاج يسمع إنه مرغوب ومحبوب، مش إنه عبء أو حاجة ممكن تتباع. الفقر مش عيب، والاستعانة بالناس مش حرام، لكن إيذاء نفسية الأطفال جريمة حتى لو بدون قصد. فيه طرق كتير نطلب بيها المساعدة بكرامة، من غير ما نكسر قلوب أطفال ملهمش ذنب في أي حاجة. ربنا يكون في عون كل أم وأب، بس ارحموا نفسية أولادكم قبل أي شيء. #الاطفال_احباب_الله #اطفالنا_سر_سعادتنا ♬ الصوت الأصلي - إحساس موادع　゜彙ぼ

أثار لمقطع الذي وصفه رواد مواقع التواصل بأنه “أغرب فيديو بثته أم في الفترة الأخيرة” حالة من الجدل، ومنهم من عبّر عن غضبه واستيائه من فكرة بيع الأطفال، ومنهم من تضامن مع الأم وحاول تقديم المساعدات المادية لها.

حقيقة الفيديو المتداول

لاحقًا، نشرت الأم مقطعًا آخر أوضحت فيه هدفها من الفيديو الأول، قالت فيه: “أنا أم الأربع أطفال اللي طلعتهم في فيديو وكنت عرضاهم للبيع، يا جماعة الفيديو أتفهم غلط أنا مش قصدي أني أبيعهم وأقبض فلوس كاش في إيدي أو أتاجر أبيهم”.

وأضافت: “أنا أم وأب لأولادي بقالي 6 سنين وماقصرتش في حاجة معاهم، لكن الكلمة طلعت مني في وقت ضعف وضيقة، أنا كان قصدي إن الظروف أقوي مني ووصلتني لإني أقول الكلمة دي وأصوّر الفيديو دا”.

وتابعت: “ أنا مانزلتش الفيديو من قليل، أنا شيلت بيت، أسرة كاملة من 4 أولاد، يعني أكل وشرب وتعليم، في حين أبو عيالي مسافر من 6 سنين مابيبعتش فلوس ولا بيسأل عن أولاده”.

واختتمت: “أنا لا هتاجر بعيالي ولا هبيع عيالي ولا حد ياخدهم مني”.

"أم الدمى" تثير الجدل.. سخرية وانتقادات رغم أرباح تتجاوز 200 ألف دولار سنويًا

أطفال للبيع أم تبيع أطفالها الأربعة أغرب فيديو على مواقع التواصل صاحبة فيديو بيع صغارها سيدة تعرض صغارها للبيع

رابط مختصر