"مجرد سوء فهم".. شيرين رضا توضح موقف ابنتها بعد جدل "التبرؤ من نسبها"

نور عمرو دياب

محمد لطفى أبوعقيل

A . .A

كشفت الفنانة شيرين رضا موقف ابنتها نور عمرو دياب بعد الجدل الذي أُثير حول تصريحاتها السابقة عندما قالت: "أنا بنت شيرين رضا"، والتي فسّرها البعض على أنها تبرؤ من والدها الفنان عمرو دياب.

بنت شيرين رضا كمان

وقالت شيرين رضا خلال لقائها مع برنامج ET بالعربي: "الناس عاوزة تعمل مشاكل، وهي كانت مش عارفة تمشي، وقالولها أنتِ بنت عمرو دياب، وهي ردت إنها بنت شيرين رضا كمان، بس كلمة 'كمان' هي اللي محدش كان عايز يسمعها".

وأضافت شيرين رضا: “نور كانت بتقول كده لأنها كانت موجودة في العرض الخاص للفيلم بتاع أمها، وقصدها تقول إنها هنا علشان والدتها، وزعلت وقتها جدًا وقالتلي: ”بابا هيزعل، فأنا قولتلها لأ طبعًا مش هيزعل، لأنه فاهم كويس إنها مش كانت قصدها تقلل من شأنه أو تتنكّر لنسبها، واللي حصل كله مجرد سوء فهم".

وتابعت: "ده كل اللي حصل، والناس بتهول المواضيع من غير سبب".

تصريحات نور عمرو دياب

وكانت نور عمرو دياب قد تصدرت التريند في يونيو الماضي، بعد أول ظهور لها في مصر منذ فترة طويلة لدعم والدتها في العرض الخاص لفيلمها.

وظهر فيديو خلال العرض، حيث قال لها أحد الصحفيين إن ابنة عمرو دياب تتحدث العربية بطلاقة، فردت نور: "لأ، أنا بنت شيرين رضا".

كنت خايفة عليها كأي أم

وتحدثت شيرين رضا أيضًا عن تفاصيل عودة ابنتها نور إلى مصر في أكتوبر 2024 بعد فترة طويلة من إقامتها في لندن، مشيرة إلى أن سنة 2025 كانت سنة سعيدة بالنسبة لها بسبب استقرار ابنتها معها في مصر.

وقالت شيرين رضا: "نور كانت خايفة بسبب الظروف اللي الستات بتواجهها في إنجلترا، زي السرقة والحاجات الوحشة، فأنا كنت خايفة عليها كأي أم، فقلت لها تعالي مصر، ولو حبيتي تسافري أي بلد تاني تقدري ترجعي، وبمجرد إنها رجعت مفيش حاجة اسمها سفر، هقطع الباسبور".

"حبك سحر يا أكبر داعم".. نور دياب تهنئ والدتها بعيد ميلادها