والد السباح جون ضحية نادي الغابة: المدرب أهمله، ومكنش فيه إسعافات عشان تنقذه

لم يمر وقت طويل على حادثة وفاة السباح يوسف محمد، التي أثارت ضجة كبيرة عبر وسائل الإعلام ومواقع التواصل الاجتماعي، بعد غرقه داخل حمام سباحة بسبب إهمال القائمين على إدارة النادي، لتتكرر تلك المأساة مرة أخرى بوفاة سباح جديد يدعى جون ماجد “من ذوي الهمم” ويبلغ من العمر 18 عامًا، داخل حمام السباحة بنادي الغابة بمصر الجديدة في القاهرة.

مش عارف دي سكته قلبية ولا إغماء  

وكشف والد السباح جون ماجد، في تصريحات لـ “تليجراف مصر”، تفاصيل الواقعة قائلًا: “الواقعة حصلت يوم 8 ديسمبر الماضي لما ابني راح مع والدته النادي كالمعتاد، هو بيروح يومين فى الأسبوع واليوم دا راح عادى جدًا ونزل حمام السباحة، وهو في حمام السباحة فجأة حصله زي سكته قلبية أو إغماء مش عارف، وجرينا بيه على المستشفى وقالوا إن قلبه متوقف تمامًا”.

المدرب ما أخدش باله وحد تاني اللي طلع ابني 

وأضاف والد جون: “ابني لما غرق جوه حمام السباحة المدرب ما أخدش باله أصلا، وفيه حد تاني كان وقف برة حمام السباحة هو اللي أخد باله وقال للمدرب الحق جون غرق، وطلعوه حطوه على الأرض وابتدوا يتعاملوا معاه بشكل اجتهادي هما أساسًا مدربين مش منقذين، ومكنش فيه منقذين إطلاقاً على حمام السباحة، والمفروض قانونًا دي تعتبر جناية”.

مكانش في إسعاف تنقذه 

وأكمل والد جون حديثه لـ"تليجراف مصر" قائلًا: “مكانش فيه إسعافات عشان تنقذ ابني، أنا قولت فى النيابة إن مفيش أي وسائل طبية ولا أدوات للإسعافات داخل النادي، والمفروض تبقى موجوده فى أي ناد فيه حمام سباحة بشكل عام، وطبعا مفيش جهاز صدمات للقلب لإنعاشه، ومفيش جهاز شفط المياه كمان، الولد غرق فى مياه المفروض بيشفطوا المياه من جسمه، لكن مفيش أسطوانة أكسجين، ومفيش حتى عربية إسعاف مجهزة موجود في المكان، أنا ابني تم إهماله”.

اقرأ أيضًا: 

بعد مأساة يوسف، التحقيق في واقعة وفاة السباح جون بنادي الغابة

التصريح بدفن جثمان السباح جون ماجد