"شيوخ وغيبيات"، محمد العدل يهاجم ميدو بعد تصريحاته عن منتخب حسن شحاتة

هاجم المنتج محمد العدل، لاعب الزمالك ومنتخب مصر الأسبق أحمد حسام ميدو، بسبب تصريحاته الجدلية عن دور المشايخ مع منتخب حسن شحاتة خلال بودكاست"الأسطورة".

شيوخ وغيبيات

وكتب محمد العدل عبر  "فيسبوك": "لم أفهم ولا استوعبت فكرة أن يقوم ميدو بتشويه أحلى فترات المنتخب القومي، وتشويه إنجاز الكابتن حسن شحاتة، وأن ينسب الإنجاز إلى شيوخ وغيبيات".

وأضاف: "لا استثنى الصديق أبو المعاطي زكي في طرح الموضوع بالشكل ده، أنت مش على الهوا، واتورطت مع الضيف، لا يصح أن يحدث ذلك من إعلامي كبير وخبرة مثلك.. خسارة، الترند وعدد المشاهدات كسر عندنا حاجات كتير".

تصريحات أحمد حسام ميدو

يشار إلى أن ميدو، أدلى بتصريحات عبر بودكاست"الأسطورة" مع الإعلامي أبو المعاطي زكي، قال خلالها: "الكورة في مصر ماشية بنفس النظام من أيام الخمسينات والستينات، لو جبتلك أي جورنال، هتلاقي نفس المشاكل، فإيه الفايدة من الهري؟ أنا متعلق بحاجة واحدة بس الزمالك، لو الزمالك طلبني، هخدمه في أي وقت، وده حقيقي".

وأضاف: "في فترة حسن شحاتة، الجزم كانت بتتاخد مننا ويتقري عليها حاجات ويترش عليها مياه، كان الشيخ بيطلب لازم نلعب بأرقام معينة، مرة إدوني تشيرت حمادة صدقي رقم 5 لبست الفانلة مش داخلة فيا ورفضت، ولعبت برقم 9 وكابتن حسن كان بيتجنن مني من الحاجات دي، كانوا بيسحبوا الجزم قبل الماتشات بيوم وأي حد هيقولك كلام غير ده كداب".

وتابع: "الشيخ قال للجهاز في 2010 لازم تستبعدوا ميدو من بطولة أمم أفريقيا، واللي وصلي ده حد من الجهاز، الشيخ قال الراجل ده مش ماشية معاه، الأحسن إنه ما ميبقاش موجود في البطولة، ساعتها كنت بلعب في الزمالك وشايل الفريق على أكتافي".

اقرأ أيضًا:

ميدو: منتخب حسن شحاتة استعان بـ مشايخ.. ولهذا كان يستبعدني

ميدو: كنت أول من إدى فرصة لـ عمر مرموش

ميدو: حسام حسن مثلي الأعلى.. وراهنت على وصول مصر لنصف النهائي