زحام شديد ودماء.. منقذ الطفل ياسين ضحية حادث حلوان يكشف تفاصيل مثيرة

شهدت منطقة حلوان واقعة صادمة،  بعدما تعرض الطفل ياسين لحادث دهس مروع أسفل عجلات سيارة تسير عكس الاتجاه في حادث أثار حالة من الغضب و الحزن بين الأهالي.

تفاصيل الواقعة

وتعود تفاصيل الحادث إلى يوم مباراة مصر والسنغال حين فوجئ أهالي المنطقة بتجمّع عدد من المواطنين حول طفل غارق في الدماء عقب اصطدام سيارة به وفرارها من موقع الحادث.

منقذ الطفل يكشف تفاصيل الواقعة

وكشف منقذ الطفل في تصريحات لـ"تليجراف مصر" كواليس اللحظات الأولى للحادث قائلًا : “نزلت من البيت لقيت لِمّة وناس شايلة طفل ودم في الأرض سألت فيه إيه قالوا العربية خبطت الولد ومشيت عكس الطريق وقتها مكنتش أعرف إن الطفل ده جاري ياسين”.

وأضاف: “شيلته على إيدي وأنا فاكره طفل غريب أي حد مكانّي كان هيعمل كده المنظر كان صعب”.

مساندة الصغير حتى آخر لحظة 

وتابع أنه توجّه بالطفل إلى مركز طبي قريب إلا أنهم رفضوا استقباله, لأن المركز صغير،  فأخذه فورًا على مستشفى ناصر لإنقاذه لأن فيه أجهزة.

وتابع: "فضلت معاه لحد آخر لحظة لحد ما أهله وصلوا وساعتها بس عرفت إن الطفل هو ياسين اللي بيلعب مع إخواتي وبيدخل بيتنا، قلبي وجعني أكتر لما عرفت”.

البطل المجهول صاحب الموتوسيكل

وسلّط المنقذ الضوء على بطل آخر لم يُعرف اسمه حتى الآن قائلا: “فيه شخص صاحب موتوسيكل رمى الموتوسيكل بكل اللي عليه أكل عيشه ومفاتيح وجري معايا على المستشفى وفضل معانا لحد ما اتطمن إن ياسين دخل الرعاية وبعدها مشي يشوف الموتوسيكل بتاعه” . 

رسالة بلا شماتة

وعن السائق المتسبب في الحادث قال: “حسبي الله ونعم الوكيل بس مش عايز أدعي عليه أكيد وراه أطفال وأسرة”.