"كل واحد يلزم حدوده".. أبو الليف يخرج عن صمته بسبب مذيعة شهيرة

أبو الليف

هايدي أسامة

A . .A

تحدث المطرب نادر أبو الليف، مرة أخرى عن أزمته مع مذيعة شهيرة، موجهًا كلام شديد اللهجة لمن يتهمه بالتشهير بها.

نادر أبو الليف يخرج عن صمته

وكتب أبو الليف عبر "فيسبوك": "إلى كل من اتريق وقال عليا أي كلام فاضي ومقدرش ولا فهم مقصود البوست وعمال يهبد وبيزيد، عايز أقولهم عيب وكل واحد يلزم حدوده ويحترم نفسه".

وأضاف: "علشان المفروض إنكم ناس مثقفة وناس بتفكر وبتقدر وبتفهم، واللي بيقول إن أنا بشهر بالمذيعة وعايز يرفع قضية، هترفع قضية على إيه يا ناصح إخواتك أنا لا قولت أي شيء يدل على هي مين، يبقى هترفع قضية على إيه".

وتابع: "أي حد عايز يرفع قضية على البوست اللي نزلته أنا جاهز جدا بس لو خسرتوا القضية قسمابالله ما هتصعبوا عليا ومش هتنازل وهاخد حقي بما يرضي الله ثم بالقانون".

واختتم أبو الليف: "أرجوا يكون كلامي اتفهم وأوضحت الصور، أنا غير مسؤول عن تفكير وضمائركم لأن فيه ربنا هوه اللي في الآخر هنقف كلنا قصاده وهنتحاسب".

تفاصيل أزمة أبو الليف مع مذيعة

أثار المطرب أبو الليف في الأيام الماضية، حالة من الجدل عبر مواقع التواصل الاجتماعي، بسبب ما صرح به عن مذيعة معروفة.

وكتب عبر "فيسبوك": "عايز أقول على مذيعة شغالة على قناة فضائية، أول حرف من اسمها n، وتسكن في الرحاب، كنا أصحاب مقربين جدا جدا جدا".

وكشف أسباب الخلافات، قائلًا: "بعد لما أخدت غرضها مني عملتلي حظر، تخيلوا قلة الأصل، ولو مفكتش الحظر هقول على اسمها والقناة اللى شغالة فيها واسم البرنامج، لكن تفتكري إنك مفتحة وأخدتي اللي إنتي عايزاه مني وضحكتي عليا فأهون عليا أقول كل حاجة وأنا راجل مافيش حاجة تعيبني".

وأضاف أبو الليف: "عندها ولد أول حرف من إسمه (ي)، أنا منتظر وعامل بأصلي وبالعيش والملح وهنزل كمان صورا لينا لو ما شالتش الحظر وهيبقي كل حاجة على عينك يا تاجر أنا مش بهدد".