بوسي عن طرحها أغان وزوجها في الحبس: "ده أكل عيش"

علقت المطربة بوسي، للمرة الأولى على الهجوم عليها بسبب طرحها أغان في أثناء فترة سجن طليقها هشام ربيع، قبل انفصالهما.

بوسي ضيفة أولى حلقات العرافة

وقالت بوسي، خلال استضافتها في برنامج “العرافة” على قناة "المحور"، "هشام ربيع راجل محترم، ولما اتجوزنا كان مطلق، أنا متجوزش راجل متجوز، وهو مش طلق مراته علشان يتجوزني، وطليقته كانت عايزه ترجعله وقالت علشان أربي عيالي، وأنا رضيت ترجع علشان عندي عيل، وعلشان هشام قالي أقفي جنبي في محنتي".

أضافت، “اتحبس هشام علشان يحميني من عصابة كانت مدمرة حياتي وبتستنزفني، 10 سنين بياخدوا فلوسي وبس، والناس دي هما طليقي واخواته، دول عالم نصابين واتهمونا إننا سرقنا شيكات، لكن دا محصلش”، على حد قولها.

وجودنا سوا

وبشأن انتقادات طرحها أغان خلال فترة سجن هشام ربيع قبل طلاقهما، قالت، "ربنا وحده يعلم أنا عملت إيه لهشام وهو في السجن، وربنا يسامح الناس بلغوا كلام عني غلط، وفي ناس كتير بتكره وجودنا سوا، هو عارف أني عمري ما أسيب جوزي في ظروف صعبة، أما موضوع إني بنزل أغاني وجوزي محبوس، فأنا لازم أنزّل عشان أكل عيشي، وعقود شغل".

هشام راجل حنين وكريم

بوسي أكدت حبها لطليقها بقولها، "هشام أنا مشوفتش حد جدع ولا في رجولتك، وانت تستاهل كل حاجة حلوة في الدنيا علشان انت كريم وطيب، أنا مشوفتش حد بطيبة قلبه، ولا هشوف حد في  حنيته ولا كرمه، وأنا متأكدة إن هو عارف إن أنا لسه بحبه".