محمد سامي: "طبيب يهودي كان بيعالج أختي.. وجربنا معاها بول الإبل"

علق المخرج محمد سامي، على حب شهوة جمع المال التي لديه، قائلا: "معنديش شهوة جمع المال لأني من أسرة غنية مش بسيطة، وعندي شهوات أهم من الفلوس وهي جمع الحيوانات وعندي فوق الـ 1000 حيوان".

وقال سامي خلال استضافته ببرنامج "أسرار"، مع الإعلامية أميرة بدر، المذاع على قناة النهار: ”مبخفش من الحسد، ومبحبش فكرة الشيوخ يعني إيه أجيب شيخ يقرأ لي وأمي موجوده بتقرأ لي".

وأضاف "معنديش مشاكل مع حد في المشايخ، لكن مبحبش أتكلم عن المشايخ ولا السياسيين، وعلاقتي بربنا بشوفه البديع الرحمن، لأنه خلق الحيوانات والألوان اللي أنا بحبها، وبطلب من ربنا طلبات تضحك، زي لو عربيتي عطلت أقوله مشيها، وممكن وأنا بعمل مشهد بطلب من ربنا إنه يبقى تريند”.

وتابع سامي قائلًا: “عندي شراهة للنجاح، نفسي أموت ناجح ومش منسي، وبخاف من الموت جدًا ومن المرض، لأن عندي أختي ماتت سنة 2005 كان عندها سرطان وبعد ما خفت منه مرضت تاني وماتت”.

وأكمل "هي كانت صيدلانية وموهوبة جدًا في الكتابة والشعر، لو موجودة كنا هنبقى كومبو هي تكتب وأنا أخرج لأنها محضرتش وأنا مخرج، كانت مثقفة أوي وموهوبة أوي".

محمد سامي يتحدث عن وفاة شقيقته

واستطرد قائلًا: "أختي كانت بتتعالج برا في  أمريكا من السرطان، وكان الدكتور يهودي، قال لأبويا مطلوب مبلغ ضخم ووالدي وافق، والدكتور قاله أنا بصراحة بقولك رقم كبير عشان ترفض، وجربوا معاها كل حاجة حتى الحاجات الدينية زي بول الإبل في مرسى مطروح، لما راحت هناك رفضت التجربة ورجعت من مطروح ميتة في العربية".