كسبت 65 مليون ومصروفي 150 ألف شهريا، نستكمل نشر أقوال البلوجر مداهم في التحقيقات (انفراد)

البلوجر مداهم

A . .A

حملت التحقيقات مع البلوجر محمد خالد الشهير بـ«مداهم» المتهم بنشر محتوى خادش وغسل أموال عبر مواقع التواصل الاجتماعي، تفاصيل جديدة بشأن حجم أرباحه من البث المباشر على “تيك توك”، وآلية اقتسام عائد الهدايا الافتراضية مع المنصة، فضلًا عن إقراره بتحقيق نحو 65 مليون جنيه أرباحًا.

وتستكمل “تليجراف مصر” انفرادها بنشر نص التحقيقات مع المتهم في القضية التي تقرر نظر أولى جلساتها غدًا الخميس 26 فبراير.

وجاءت أقوال المتهم كالتالي:

س: ما هو مكسب منصة تيك توك من وراء الهدايا التي يحصل عليها المشترك؟

ج: المنصة بتاخد حوالي 70% من قيمة الهدية الافتراضية اللي اشتراها الداعم، وصانع المحتوي بياخد الباقي اللي هو 30.
س: وكيف يتم احتساب صافي أرباح صانع المحتوى إذًا؟

ج: لكل 200 ألف Coins بينزل لصانع المحتوى ألف دولار أمريكي، سواء على حسابة البنكي أو حساب محفظة فوادفون كاش أو حساب PayPal، ودة بيكون على حسب الطريقة اللي صانع المحتوى محددها مع المنصة ينزله فيها الفلوس.

س: وهل يتلقى صاحب الحساب أرباحه بعملة الدولار الأمريكي؟

ج: أيوه

س: كيف يكون ذلك إذًا، تحديدًا في حال ما إذا كان الوعاء (متلقي الأرباح الخاصة بصانع المحتوي) محفظة هاتفية مثل (محافظ فودافون كاش)؟

ج: المنصة بتحول الدولار الأمريكي للجنية مصري بسعر الصرف ساعتها، وبينزلوا في محفظة صاحب المحتوى بالجنية المصري.

س: ما هي إجمالى عدد حساباتك على منصة تيك توك ؟

ج: أنا كان عندي حساب قديم فضل شغال لحد شهر ونص وبعد كدة منصة تيك توك قفلته، وكان فيه حوالى 3 مليون وستمائة ألف متابع، واسم الحساب كان 777.Modahm، ودلوقتي عندي حساب ثاني اسمه Mo.dahm777، ودة فيه حوالي مليون ومائة ألف متابع.

س: ما الذي دعاك لإنشاء حسابين على منصة (تيك توك)؟

ج: أنا بدأت بالحساب اللي اسمه 777.Modahm، ولما اتقفل اشتغلت بالحساب الاحتياطي واللي اسمه Mo.dahm777.

س: ما سبب قيام المنصة المذكورة بغلق الحساب الأول، والمسمى 777.Modahm؟

ج: معرفش ممكن يكون ناس اشتكوني للمنصة بمخالفة سياسات الاستخدام.

س: متى بدأت تحديدًا بالظهور على منصة تيك توك عبر نشر مقاطع مصورة؟

ج: أنا بدأت على التيك توك من سنه 2021، بس الموضوع مكنش جايب همه أوي لحد ما بدأت اشتغل (لايفات) في أول سنه.

س: ما هي الفترة الزمنية التي استمريت خلالها بنشر مقاطع مرئية ومسموعة على حسابك على منصة (تيك توك)؟

ج: من ساعة ما بدأت ولحد دلوقتي.

س: هل تمتلك أي حسابات على منصات تواصل اجتماعي أخرى؟

ج: عندي حساب يوتيوب اسمه Modahm777، وعندي على الإنستجرام واسمه Modahm777، وعندي على الفيس بوك واسمه Modahmyyy، بس كل الحسابات دي أنا مش بتربح منها أي فلوس بالعكس أنا كنت بصرف عليها علشان تشتغل وتجيب فلوس، وبتربح بس من حساب منصة (تيك توك).

س وما هو اجمالي تلك الأرباح تحديدً؟

ج: حوالي خمسة وستين مليون جنيهًا، ولكن يمكن تراجع حسابي البنكي اللي في QNB، وهو اللي هيحدد أنا كسبت بالضبط کام.

س: جاء بأقوالك السابقة، بأن منصة تيك توك تحصل على 70% من قيمة الهدايا الافتراضية التي تستقبلها من الداعمين لك، فهل معنى ذلك، وفي ضوء إجابتك السابقة، أن إجمالي المبالغ التي قام الداعمون بدفعها لك في صورة هدايا افتراضية بلغت مائة وخمسة وتسعين مليون ( 195,000,000) جنيهًا مصريًا؟

ج: أيوة، أنا بيجيلي فقط 30% من إجمالي الفلوس اللي الداعمين دفعهوها.

س:وما هو إجمالي دخل والدك تحديدًا؟

ج: معرفش ولكن دخلة كله من العربية النقل اللي بيشغلها.

س: وما هو إجمالي والدتك تحديدًا؟

ج: أمى ربة منزل ومعندهاش أي حاجة.

س: وما هي الأملاك الخاصة بوالدك ووالدتك؟

ج: والدي معندوش أي حاجة غير عربية نقل بيشغلها ونصيبة حوالي الربع في بيت العيلة في باسوس، مركز القناطر الخيرية.

س: هل أدر عليك مشاركتك عبر نشر مقاطع مرئية ومسموعة على منصة تيك توك ثمة أموال أو أرباح؟

ج: أيوه من خلال الهدايا بتاعة الداعمين أنا كان بيدخلي فلوس من اللايفات اللي بطلع فيها.

س: وما هو إجمالي تلك الأرباح تحديدًا؟

ج: زي ما قلت، مقدرش أحسبها بالضبط بس حوالي خمسة وستين مليون جنيهًا، ولكن ممكن نراجع حسابي البنكي اللي في QNB، وهو اللي هيحدد أنا كسبت بالضبط كام.

س: وما هي أوجه صرفك لتلك المبالغ تحديدًا محل إجابتك السابقة؟

ج: أنا اشتريت شقة في شارع مكة في الشيراتون، بحوالي مليون ونصف جنيه، وشطبتها بحوالي اثنين مليون ومائتي ألف جنيه، وكمان اشتريت عربية مستعملة بيجو 508 موديل 2020 بحوالي مليون ومائتي ألف جنيه، وبعتها تقريبًا بنفس السعر.

وتابع: اشتريت بعديها عربية مستعملة، موديل 2022، بحوالي مليون وأربعين ألف جنيه، ودي العربية اللي اتمسكت معايا، وكمان عملت مطعم في شارع البنوك في التجمع الخامس، كلف حوالي 6 أو 7 مليون جنية تقريبًا، وقفلته بعديها بحوالي 3 شهور، وكمان فتحت مطعم في منطقة مدينة نصر كلف حوالي 4 أو 5 مليون جنية تقريبًا.

وأكمل: حاليًا بشطب في مطعم ناحية طريق السويس، كلفني تشطيب لحد دلوقتي 3 مليون جنية تقريبًا شامل الإيجارات بتاعته، وجبت سكوتر بحوالي مائة وعشرة ألف جنية تقريبًا، وجوزت أخواتي البنات الاثنين بحوالي إجمالي مليون وأربعمائة الف جنيه، ده غير أني بدي لوالدتي متوسط مبلغ 60 ألف جنية في الشهر وده كان لمدة 3 سنين، وبعمل أعمال خير من مساعدات للمحتاجين بصرف أدوية وبساعد في عمليات لمرضى السرطان، وأعمال الخير دي كانت بمبالغ كبيرة بملايين من الجنيهات، منهم حوالي 90 ألف جنية اتبرعت بيهم لمستشفى السرطان.

س: هل لك ثمة دخل من عمل آخر بخلاف أرباحك محل إجابتك السابقة؟

ج: لا.

س: ما قيمة مصروفاتك الشهرية الشخصية؟

ج: حوالي متوسط مائة وخمسين ألف جنيها، وممكن يزيدوا.

س: هل ما تتحصل عليه من دخل شهري يكفي ما تطلبه من مصروفات شهرية؟

ج: أيوة الحمد لله وبحوش أغلبه.

"اللايفات بتكسب أكتر"، نص التحقيقات مع مداهم في قضية غسل الأموال والمحتوى الخادش (انفراد)