"أبويا عنده عربية نقل"، التحقيقات تكشف تفاصيل الحالة الاجتماعية لأسرة "مداهم" (خاص)

“أنا أبويا شغال على عربية نقل ومحلتوش غيرها”، بهذه الكلمات أدلى البلوجر محمد خالد الشهير بـ"مداهم" المتهم بنشر محتوى خادش وغسل أموال عبر مواقع التواصل الاجتماعي، بأقواله أمام جهات التحقيق. 

وتواصل “تليجراف مصر”، نشر نص التحقيقات مع البلوجر مداهم والذي كشفت تفاصيل بداية رحلته على منصة التيك توك بالإضافة لتفاصيل الحالة الاجتماعية لأسرتة".

التحقيقات مع البلوجر مداهم

س: ما هي إجمالي عدد حساباتك على منصة "تيك توك"؟
ج: “أنا كان عندي حساب قديم فضل شغال لحد شهر ونص وبعد كدة منصة “تيك توك” قفلته، وكان فيه حوالي ثلاثة مليون وستمائة ألف متابع، واسم الحساب كان 777.Modahm، ودلوقتي عندي حساب آخر اسمة Mo.dahm777، ودة فيه حوالي مليون ومائة ألف متابع”.

س: وما الذي دعاك لإنشاء حسابين على منصة “تيك توك”؟

ج: أنا بدأت بالحساب اللي اسمه ۷۷۷.Modahm، ولما اتقفل اشتغلت بالحساب الاحتياطي واللي اسمه Mo.dahmy 77.
س: وما سبب قيام المنصة المذكورة بغلق الحساب الأول، والمسمى 777.Modahm؟
ج: معرفش ممكن يكون ناس اشتكوني للمنصة بمخالفة سياسات الاستخدام.

س: ومتي بدأت تحديداً بالظهور على منصة تيك توك عبر نشر مقاطع مصورة؟
ج: أنا بدأت على التيك توك من سنه 2021، بس الموضوع مكنش جايب همه أوي لحد ما بدأت اشتغل “لايفات” في أول سنه 2022؟

س: ما هي الفترة الزمنية التي استمريت خلالها بنشر مقاطع مرئية ومسموعة على حسابك على منصة تيك توك؟
ج من ساعة ما بدأت ولحد دلوقتي.

س: وهل تمتلك أي حسابات على منصات تواصل اجتماعي أخرى؟

ج: عندي حساب يوتيوب اسمه Modahm 777، وعندي على الانستجرام واسمه Modahm 777، وعندي على الفيس بوك واسمه Modahm 777، بس كل الحسابات دي انا مش بتربح منها أي فلوس بالعكس أنا كنت بصرف عليها علشان تشتغل وتجيب فلوس، وبتريح بس من حساب منصة تيك توك.

س: وما هو إجمالي تلك الأرباح تحديداً؟

ج: حوالي خمسة وستين مليون جنيهاً، ولكن ممكن تراجع حسابي البنكي اللي في QNB، وهو اللي هيحدد أنا كسبت بالضبط کام.

س: جاء بأقوالك السابقة، بأن منصة (تيك توك تتحصل على 70 % من قيمة الهدايا الافتراضية التي تستقبلها من الداعمين لك، فهل معني ذلك، وفي ضوء إجابتك السابقة، أن إجمالي المبالغ التي قام الداعمين بدفعها لك في صورة هدايا افتراضية بلغت مائة وخمسة وتسعين مليون جنيهاً مصرياً؟

ج: أيوة، انا بيجيلي فقط 30 % من إجمالي الفلوس اللي الداعمين دفعهوها.

س: وما هو إجمالي دخل والدك تحديداً؟

ج: معرفش، ولكن دخلة كله من العربية النقل اللي بيشغلها.

س: وما هو إجمالي والدتك تحديداً؟

ج: أمي ربة منزل ومعندهاش أي حاجة.

س: وما هي الأملاك الخاصة بوالدك ووالدتك؟

ج: والدي معندوش أي حاجة غير عربية نقل بيشغلها ونصيبة حوالي الربع في بيت العيلة في باسوس، مركز القناطر الخيرية.

س: وهل أدر عليك مشاركتك عبر نشر مقاطع مرئية ومسموعة على منصة تيك توك ثمة أموال أو أرباح؟

ج: أيوه من خلال الهدايا بتاعة الداعمين أنا كان بيدخلي فلوس من اللايفات اللي بطلع فيها.
س: وما هو إجمالي تلك الأرباح تحديداً؟

ج زي ما قلت مقدرش أحسبها بالضبط بس حوالي خمسة وستين مليون جنيهاً، ولكن ممكن نراجع حسابي البنكي اللي في QNB، وهو اللي هيحدد أنا كسبت بالضبط كام.

س: وما هي أوجه صرفك لتلك المبالغ تحديداً محل إجابتك السابقة؟

ج: "أنا اشتريت شقة في شارع مكة في الشيراتون، بحوالي مليون ونصف جنيه، وشطبتها بحوالي اثنين مليون ومائتي ألف جنيه، وكمان اشتريت عربية مستعملة بيجو 508 موديل 2022 بحوالي مليون ومائتي ألف جنيه، وبعتها تقريباً بنفس السعر، واشتريت بعديها عربية مستعملة، موديل 2022، بحوالي مليون وأربعين ألف جنيه، ودي العربية اللي اتمسكت معايا". 

و"كمان عملت مطعم في شارع البنوك في التجمع الخامس، كلف حوالي 6 أو 7 مليون جنية تقريباً، وقفلته ببعديها بحوالي 3 شهور، وكمان فتحت مطعم في منطقة مدينة نصر كلف حوالي 4 أو 5 مليون جنية تقريباً". 

و"حالياً بشطب في مطعم ناحية طريق السويس، كلفني تشطيب لحد دلوقتي 3 مليون جنية تقريباً شامل الإيجارات بتاعته، وجبت سكوتر بحوالي مائة وعشرة ألف جنية تقريباً". 

و"كمان جوزت أخواتي البنات الاثنين بحوالي مليون وأربعمائة الأف جنيه، ده غير اني بدي لوالدتي متوسط مبلغ  60 ألف جنية في الشهر ودة كان لمدة 3 سنين، ويعمل أعمال خير من مساعدات المحتاجين لصرف أدوية ويساعد في عمليات المرضي السرطان، وأعمال الخير دي كانت بمبالغ كبيرة بملايين من الجنيهات، منهم حوالي ٩٠ ألف جنية اتبرعت بيهم لمستشفى السرطان".

س: وهل لك ثمة دخل آخر من ثمة عمل آخر بخلاف أرباحك محل إجابتك السابقة؟

ج: لا .
س: ما قيمة مصروفاتك الشهرية الشخصية؟

ج: حوالي متوسط مائة وخمسين ألف جنيها، وممكن يزيدوا.

س: وهل ما تتحصل عليه من دخل شهري يكفي ما تطلبه من مصروفات شهرية؟

ج: أيوه الحمد الله وبحوش أغلبه.

اقرأ أيضًا:

"شربت بسبب الضغوط"، نص التحقيقات مع البلوجر مداهم في قضية المخدرات (خاص)

"اللايفات بتكسب أكتر"، نص التحقيقات مع مداهم في قضية غسل الأموال والمحتوى الخادش (انفراد)