ضربني في مكان حساس وصورني، أقوال فرد الأمن ضحية رجل الأعمال بالتجمع (انفراد)

فرد الامن ضحية الاعتداء من رجل أعمال شهير

A . .A

كشفت التحقيقات مع فرد الأمن ضحية الاعتداء من رجل الأعمال الشهير في كومبوند بالتجمع، عن تفاصيل علاقته بالمتهم والساعات الأخيرة التي سبقت الهجوم الذي تعرض له وتفاصيل إصابته.

وحصلت “تليجراف مصر” على نص أقوال “علي” فرد الأمن ضحية الاعتداء والتي جاءت كما يلي:

س: ما هي تفصيلات حدوث إصابتك؟

ج: "أنا شغال فرد أمن بكمبوند فيليت سوديك ومن 8 شهور تقريبا كان الأستاذ معتز بدأ يشطب في الوحدة بتاعته وكل شوية يشتكيني لمديري وبسبب المشاكل دي تم نقلي وشوية وحصل حركة تنقلات ورجعت لمكاني القديم، وأنا قاعد في مكان عملي لقيته داخل عليا بعربيته نزل الأزاز وقالي “أنا هصورك يابن الـ*** ومش هخليك تقعد هنا تاني“ وسابني وركن العربية بتاعته ولقيته جاي علي رجله قالي ”إيه اللي قعدك هنا تاني يابن ال*** “ ولقيته ضربني برجليه عند خصيتي وضربني في بطني وجنب ودني اليمين وبالبونية في عنيا وأنا وقعت وسبته ومشيت لأني حسيت إنه في حالة مش طبيعية وأنا ماشي فضل برضه يضربني بالأقلام وأي حد بيتدخل بيضربه”.

س: ما هو سبب ومناسبة تواجدك بالمكان والزمان سالفي الذكر ؟

ج: “أنا شغال في الكمبوند فرد أمن وأنا طبيعة شغلي بتبقى 12 ساعة وامبارح كنت شغال من 8 الصبح وهو تعدى عليا وأنا في وقت الشغل.”

س: من كان برفقتك أنذاك ؟

ج: “أنا كنت لوحدي لكن بعد ما معتز بدأ يضربني العملاء واللي شغالين في الكمبوند اتدخلوا عشان يخلوه يبطل ضرب فيا”.

س: هل من خلافات سابقة بينكم ؟

ج: “أنا مفيش ما بيني وما بينه أي علاقة أو خلافات غير موضوع إن العمال اللي كانوا بيشطبوا في الوحدة بتاعته كانوا بيشتكوني عشان كنت ببقي عايز أمشيهم بناء على التعليمات بتاعت الكمبوند إن الصنايعة ميعادهم آخره الساعة ٤,٣٠ مساءا”.

س: وما هو السبب وراء قيامه بالتقاط أية صور لك ؟

ج: “هو قالي إنه بيصورني عشان مقعدش في الشارع تاني تقريبا كان عايز يبعت الصورة لمدير الأمن بتاع الكمبوند عشان يغير الأمن”.

س: وهل من ثمة حوار دار بينك وبين المتهم آنذاك ؟

ج: "أنا مقلتش أي حاجة هو من ساعة ما شافني وهو اللي عمال يشتمني ويضربني."

س: هل كان بحوزة المشكو في حقه ثمة أسلحة ظاهرة أو مخبأة أنذاك ؟

ج: “لا هو كان بيضرب بإيده أنا مشفتش معاه أي سلاح.”

س: ما هي الحالة التي كان عليها المشكو في حقه ؟

ج: “هو من اللي أنا شفته والضرب اللي ضربهولي حسيت إنه مش طبيعي وإنه في حالة مش طبيعية لأني أصلا مشفتوش من ساعة ما نقلني من خمس شهور وهو لما كان بيقابل أي حد أو الناس تحاول تهديه كان بيشتمهم وبيحاول يتعدى عليه.”