ننشر أقوال فنانة شهيرة بقضية سرقة منقولات وإصابة سيدة بقصر النيل (خاص)

حصلت “تليجراف مصر” على أقوال فنانة شهيرة متهمة في قضية سرقة منقولات وإصابة مسنة، وذلك بعد قرار إحالتها مع 4 آخرين إلى محكمة الجنايات.

وجاءت أقوال الفنانة على النحو التالي:

س: ما قولك فيما هو منسوب إليك من كونك متهمة وآخرين بسرقة المنقولات وإصابة أميمة والدة صاحبة الشقة؟

ج: الكلام ده محصلش وأنا ماليش أي دعوة بالموضوع ده ومسرقتش حاجة.

س: حددي لنا صلتك وعلاقتك بالمجني عليهم كل من أميمة ونجلتيها مي حسام وأميرة حسام؟

ج: أنا كنت مشاركة مي حسام دي في الشقة ومأجرينها سوا وأعرفها من زمان، وقابلتها مرة لما هي كانت شغالة في شركة بتمول مشاريع صغيرة، وروحت الشركة دي علشان أعرف عندهم إيه وإيه المشاريع اللي بيمولوها، وبعد فترة كنت بدور على شقة في جاردن سيتي كمكان علشان أبدأ فيه مشروعي في تصنيع الإكسوارات وساعتها لقيت الشقة في القصر العيني، وكنت محتاجة حد يشاركني في الشقة علشان يقل معايا قيمة الإيجار وكتبت بوست على فيس بوك وبعدها لقيت مي حسام كانت بتبعت لي واتقابلنا واتفقنا على كل حاجة من 2017 وكتبت الشقة باسمي أنا وهي ووالدتها وأختها ووالدتها كانت بتيجي تطمن عليها.

س: وهل توجد أي خلافات سابقة بينك وبين المجني عليهم سالفي الذكر؟ 

ج: لأ خالص مافيش بينا مشاكل وأنا مسرقتش، أنا روحت أجيب الترابيزات بتاعتي من هناك وبعتلها صورة ليا من هناك قد أي أنا زعلانة إني هسيب الشقة ودخلت بمفتاحي الخاص. 

وأوضح المستشار أحمد جودت الملط، المحامي بالنقض والدستورية العليا، بصفته المستشار القانوني للمجني عليهم، تفاصيل القضية، موضحًا أن المجني عليها مي حسام طه وصديقتها المقربة مي محمود أسستا شركة مشتركة لتصميم وتفصيل فساتين الأفراح، وكان مقر الشركة شقة في منطقة قصر النيل.

اقرأ أيضًا:

ننشر أمر إحالة فنانة شهيرة و4 آخرين بتهمة سرقة سيدة للجنايات (خاص)

26 مارس.. أولى جلسات محاكمة فنانة شهيرة في قضية سرقة