"كان عاوز يفضحني زيها"، أقوال الشاهدة في قضية تسريب فيديوهات رحمة محسن (خاص)

لا تزال قضية تسريب فيديوهات الفنانة رحمة محسن تشغل الرأي العام، بعد إحالة طليقها للمحاكمة بتهمة نشر مقاطع مصورة لها عبر مواقع التواصل الاجتماعي.

التحقيقات في قضية الفنانة رحمة محسن

وتستكمل “تليجراف مصر”، نشر نص التحقيقات في القضية، والتي كشفت تفاصيل جديدة حول الواقعة، وجاءت أقوال أحد شهود العيان على النحو التالي:

س: ما سبب حضورك اليوم؟

ج: أنا جايه علشان أشهد بالحق.

س: ما هي علاقتك بكل من الشاكية رحمة محسن والمشكو في حقه أحمد؟

ج: أنا معرفهمش قبل كده.

س: وما هي تفاصيل شهادتك بخصوص الواقعة محل التحقيق؟

ج: أنا بطلع لايفات علي التيك توك من الحساب بتاعي وفي حد دخل كلمني بأسلوب إنه عايز يتعرف، وبعد كده بكام يوم أنا رديت عليه واتعرفنا على بعض وفضلنا فترة نتكلم، وبعد كدا إديته الرقم بتاعي على الواتساب واتكلمنا هناك وهو كان حاطط صورة ليه وأنا مكنتش اعرف أصلا إنه كان متجوز رحمة محسن والكلام جاب بعضه وقولتله إن فيه واحدة صاحبتي عايزة تتعرف على الرجل اللي كان مع رحمة محسن في الفيديو  اللي انتشر على مواقع التواصل الاجتماعي ليها وهي في علاقة.

رحمة عايزه تطلع تريند 

وأضافت: بعد كده راح باعتلي رسالة صوتية مضمونها " إنه هو اللي كان في الفيديو معاها بشحمه ولحمه، وبعد كده أنا قلتله بجد إنت اللي معاها في الفيديو وهو راح باعتلي فيديو من اللي بيتشاف مرة واحدة ويختفي مدته 14 ثانية كان باين إن الشخص اللي بيكلمني هو اللي في الفيديو مع رحمة محسن.

 وبعد كده أنا أتاكدت إنه هو اللي كان معاها في الفيديو وسألته أنت ليه نشرت الفيديوهات دي قاللي إن هي الللي عايزة تطلع تريند والدليل على كده إنها مكملة في شغلها وإن الناس مش عبيطة، وأنا سيبته يطمنلي أكثر علشان أعرف إيه الحقيقة راح قالي إنه هيتقدملي رسمي ونعمل كتب كتاب فأنا رفضت وقولتله أنت عايز تعمل في زي ما عملت فيها.

معروض عليه فلوس كتير علشان يبيعها ويطلعها تريند تاني

وتابعت: طول الفترة اللي احنا بنتكلم فيها كل يوم كان بيبعتلي فيديوهات ليهم هما الاثنين وهما مع بعض في علاقة وكان كل لما يبعت الفيديوهات دي كان بيبعتها بخاصية الفيديوهات اللي بتتبعت مرة واحدة وأنا لما لقيت إنه بيعمل كده على طول بدأت أصور الكلام من موبايل ثاني معايا علشان أنا حسيته مش تمام.

 وهو قالي في نص الكلام إن رحمة عايزة تطلع تريند وإن هو معاه فيديوهات ثانية معروض عليه فيها فلوس كثيرة جياله علشان يبيعها ويطلعها تريند ثاني، فأنا قلتله أنا مش بحب كده وبدأ يطلب مني حاجات مش كويسة إني أروحله البيت وأنا رفضت وبيطلب مني إني أبعتله صور لي بدون ملابس، وكنت برفض وكل شوية كان بيبعتلي صور حساسة علشان يخليني أعمل حاجة مش حلوة، وكان كل يوم يبعتلي فيديوهات ليه هو ورحمة من اللي بتظهر مرة واحدة وهما بيعملوا علاقة مع بعض.

س: هل من سابقة تواصل فيما بينك وبين المشكو في حقه؟

ج: لا مفيش غير اللي أنا قلت لحضرتك عليه.

س: وعلى أي موقع من مواقع التواصل الاجتماعي كان يتم ذلك التواصل؟

ج: هو أول ما دخل كلمني من الحساب بتاعه على موقع التواصل الاجتماعي "تيك توك" وبعد كده التواصل بينا كان على الواتساب بتاعه.

س: ما هي طبيعة ذلك التواصل؟

ج: ده هو كان عايز يتعرف علي.

تأجيل محاكمة طليق رحمة محسن إلى 30 مارس

وفي وقت سابق، قررت المحكمة الاقتصادية، اليوم، تأجيل جلسة محاكمة طليق رحمة محسن إلى يوم 30 مارس الجاري، وذلك لحضور المتهم من محبسه.

جاء التأجيل استجابة لطلب الدفاع وحضور النيابة، مع استمرار التحقيقات في القضية محل المحاكمة.

تفاصيل الواقعة

في تطور جديد بقضية تسريب مقاطع غير أخلاقية للفنانة رحمة محسن، أحالت جهات التحقيق، طليقها المتهم بالتسبب في الواقعة إلى المحاكمة العاجلة أمام المحكمة المختصة.

تفاصيل أمر الإحالة

وحصلت "تليجراف مصر"، على أمر الإحالة في القضية، والذي تضمن اتهام المدعو “أ.ف” – محبوس – بأنه في 24 أكتوبر 2025، وبتاريخ لاحق بدائرة قسم التجمع الخامس، اعتدى على حرمة الحياة الخاصة للمجني عليها، بعدما التقط وسجل بهاتفه المحمول صورًا ومقاطع مصورة لها داخل مكان خاص دون رضاها، وذلك على النحو المبين بالتحقيقات.

نشر مقاطع مصورة

كما أسندت إليه التحقيقات، إذاعة ونشر تلك الصور والمقاطع المرئية عبر الشبكة المعلوماتية ومواقع التواصل الاجتماعي دون موافقة المجني عليها، وإرسالها إلى عدد من الأشخاص، من بينهم صابرين محمد إسماعيل عبدالمجيد، ومريم حميدو حسن.

إزعاجها ومضايقتها

ووفق أمر الإحالة، وجهت للمتهم كذلك تهم نشر صور ومقاطع تنتهك خصوصية المجني عليها عبر مواقع التواصل الاجتماعي دون رضاها، والاعتداء على القيم والمبادئ الأسرية في المجتمع المصري، إلى جانب تعمد إزعاجها ومضايقتها بإساءة استخدام وسائل الاتصالات.

تهديد بنشر المقاطع

كما تضمنت الاتهامات، شروع المتهم في الحصول على أموال من المجني عليها عن طريق التهديد بنشر تلك المقاطع، فضلًا عن استخدام حسابات عبر مواقع التواصل الاجتماعي "فيسبوك" و"واتساب" المرتبطة برقم هاتفه في ارتكاب الوقائع محل الاتهام.

وقررت جهات التحقيق، إحالة أوراق القضية إلى الدائرة الابتدائية المختصة بمحكمة القاهرة الاقتصادية، وحددت جلسة 26 مارس 2026 لنظر أولى جلسات المحاكمة، مع إعلان المتهم بمحبسه بموعد الجلسة.

اقرأ أيضًا:

"هتعملي فيها شيخة"، شاهدة عيان تكشف تفاصيل جديدة في قضية تسريب فيديوهات رحمة محسن (خاص)