في كأس العالم للشباب، أسامة نبيه يكشف سبب استبعاد لاعب ليفربول من منتخب مصر

كريم أحمد لاعب ليفربول

إسلام عبدالتواب

A . .A

كشف أسامة نبيه نجم الزمالك ومنتخب مصر الأسبق، سبب عدم ضم كريم أحمد لاعب ليفربول الإنجلزي، لقائمة منتخب الشباب التي شاركت في كأس العالم.

وقال أسامة نبيه الذى خلال استضافته في برنامج "النجوم في رمضان":" أنا كنت محوش بعض اللعيبة للمشاركة في المباريات الجاية وبالفعل أشركت 18 لاعبا بنسب متفاوتة، وهم اللى يقدروا يكملوا معايا في الدور الثاني لأنهم لم يستهلكوا في الدور الأول"

ويضيف:" وقولت هديهم فرصة بالروتيشن في الدور الثاني معرفش الناس فهمت الكلام غلط ليه".

أسامة نبيه: ليفربول رفض انضمام كريم أحمد

وتابع: اللاعب الشاب كريم أحمد المحترف في ليفربول الإنجليزي مشاركش معايا لأنه جه تجمع واحد وناديه قال هيبعته على تشيلي التي استضافت كأس العالم علطول، وكنت محتاج أشوفوا بطريقة أفضل".

وأكمل :"فيه أندية رفضت تبعت لاعيبها لمنتخب الشباب في بطولة تجريبية لأنها خارج الأجندة الدولية وكانت فرصة مهمة لتجهيز بعض اللاعبين".

أسامة نبيه: لم أجامل أحد

وتابع:" اللاعب اللى مش بيلعب درجة أولى مع ناديه كان عنده صعوبة يشارك معايا مع منتخب الشباب، ووقتها قالوا أنا بجامل ناس لحساب ناس ودا محصلش، 95% من أندية مصر مكنوش بدأوا حتى فترة إعداد كانوا في راحة وقت مابدأت الاستعداد مع منتخب الشباب".