لأول مرة.. أسامه نبيه يكشف كواليس رحيل ابنه عن الزمالك

أسامه نبيه

إسلام عبدالتواب

A . .A

كشف أسامة نبيه نجم الزمالك ومنتخب مصر الأسبق عن كواليس رحيله نجله، يوسف عن القلعة البيضاء والانتقال لصفوف بيراميدز.

وقال أسامة نبيه خلال استضافته في برنامج "النجوم في رمضان":"الجمهور عنده حق وكانوا زعلانين مني بسبب رحيل يوسف ابنى عن نادى الزمالك، ومهما قولت قصة الموضوع دا، فيه تفاصيل كتير لكن مش هتوصل زي ما أنا عايز"

ويضيف:" يوسف عقده انتهى وحاولت أتكلم مع المسؤولين قبل فترة الفراغ الإداري اللى حصلت، وقولت إن عقده مش مناسب والعرض اللى قدم لينا كان ضعيف، بس ملقتش أي رد فعل، وجمهور الزمالك زعل مني، بس الحمد لله بعتولي دعوة فطار اليوم في المريوطية والحمد لله رايح ".

أسامة نبيه: أتمنى عودة يوسف للزمالك

وتابع:" ابنى له وجهة نظر وله شخصية، بيشاركنى الرأي بس القرار في النهاية هو اللى ياخده، ولو رجع بي الزمن مكنتش هوافقه في الرحيل عن الزمالك، لكن قدر الله وماشاء فعل، لسه الكورة فيها كتير، واللى بينا وبين الزمالك كبير"

وأكمل:" أتمنى يوسف يرجع الزمالك، ولازم يشتغل على نفسه ويرجع يوسف بتاع زمان وعنده الفرصة حالياً في زد عشان يرجع تانى".

أسامة نبيه : الزمالك لا يتأخر عن أبنائه

وعن رؤيته لأزمة حسام عبدالمنعم قال:" حسام عبد المنعم عنده تاريخ رائع وتجربة مميزة مع الزمالك، وتابعت حلقته الأخيرة وزعلت جدا".
وأتم:" بس الزمالك كالعادة مش بيتأخر عن ولاده ومش بينساهم في أي لحظة وفرحت جدا بقرار تعيين حسام عبد المنعم في الزمالك".