إبراهيم حسن: الإسماعيلي أجبرني على اللعب للزمالك

تحدث إبراهيم حسن لاعب الزمالك والإسماعيلي السابق والقناة الحالي، عن فترت تواجده في نادي الزمالك.

وقال حسن، في تصريحات مع سهام صالح لبرنامج الكلاسيكو: “عشت أجمل 5 سنين في الإسماعيلية وبحبهم وهما بلدي التاني وأُعتبر ابنا من أبنائهم مش من أبناء الزمالك”.

وأضاف: "اللعب في الإسماعيلي ممتع واتشرفت وانبسطت إني لعبت جمب حمص وحسني عبدربه، 3 أو 4 سنين نادي الزمالك كانوا بيتحايلوا عليا إني آجي ولما روحت مشيت من أول سنة مع إني لعبت كل السنة دي وكنت سبب من أسباب التتويج بالكونفدرالية الأفريقية".

وواصل: “من الصدمة لما مشيت نمت مكنتش عاوز أقوم، وكفاية عليا جماهير الزمالك يقابلوني يقولولي إنت السبب في الكونفدرالية ومش مشيت فني ومعرفش إيه السبب إني أمشي بطريقة فجأة”.

كما أوضح: "جماهير الزمالك بتقولي إنت قعدت سنة واحدة عملت اللي في لاعيبة راحوا محققوش حاجة، فيه لاعيبة مكنتش بتلعب ومش بتفارق دكة  وقعدت سنتين وتلاته وانا مشيت مش متخيل".

الإسماعيلي أجبرني على اللعب للزمالك

وأشار: "مضيت للأهلي مع كابتن سيد عبدالحفيظ وخدت مقدم تعاقد، لكن الإسماعيلي قالي لازم تروح الزمالك مش الأهلي".

وأضاف: “كان لازم أقعد 6 شهور اللي فاضلين في الإسماعيلي عشان أروح الأهلي، بس أنا مبسوط إني روحت الزمالك ولو الزمان رجع بيا هختار الزمالك برضو.. ومش ندمان إني مروحتش الأهلي”.

اقرأ أيضا:

ترتيب منتخب مصر بعد ختام تصفيات شمال أفريقيا المؤهلة لكأس الأمم