عمر كمال: دعيت ربنا يديني فلوس وشهرة مقابل الزواج والخلفة.. والدعوة اتحققت

تحدث مؤدي المهرجانات عمر كمال عن تفاصيل حياته الشخصية والمهنية، كاشفًا سر دعوة تحققت له بشكل تفصيلي.

تفاصيل شخصية يكشفها عمر كمال لأول مرة

وقال عمر كمال أثناء استضافته في برنامج "كلام الناس" مع الإعلامية ياسمين عز: "أنا من كتر ما كنت مداس عليا أوي، كنت أقول لربنا إديني شهرة وفلوس وخد مني خلفة وجواز".

وتابع: "سبحان الله الدعوة اتحققتلي بالظبط يعني عربيات وعقارات كتير عندي، إنما نيجي للجواز مفيش حاجة بتتم".

كما تحدث عن تفاصيل علاقاته العاطفية مع فتاة كان تستغل شهرته، قائلًا: "كنت مرتبط بواحد بتهبر مني فلوس كتير تقولي عايزة أعمل اكستنشن".

وأضاف: "ومرة تانية تقول عايزة تروح تعمل نحت وأنا كنت بتضايق من المبلغ فتقولي إيه يعني يا عم ده طبق كشري خدت منه حتة شعرية".

بسبب مؤهله الدراسي.. عمر كمال يعلق على منتقديه

وفي سياق آخر، خرج عمر كمال عن صمته للرد على منتقديه بسبب مؤهله الدراسي على الرغم من أنه شخص مشهور وله وضعه.

وقال عمر كمال عبر فيديو له على حسابه الرسمي على موقع “فيسبوك”: “مع كامل احترامي لكل المتعلمين اللي هما أفضل مني وأهم مني في المجتمع ومحدش يستغني عنهم، لكن أنا ممكن يستغني عني لأني بقدم محتوى ترفيه".

وتابع: “محدش يقدر يستغني عن الدكتور أو المهندس أو الظابط، حضرتك بتحاسبني على حاجة أنا ماليش ذنب فيها، أنت اخترت طريق في الحياة وأنا اخترت طريق”.

وأضاف: “لما أنت كنت بتروح جامعتك الصبح وتعيش حياتك، أنا كنت واقف في صف مع عمال باليومية ومعرفش قوت يومي هيبقى إزاي”.

واستكمل: “أنت اختارت طريق الأمان أو التقليدي، أنا حطيت مستقبلي على كف عفريت، فأنت ليه بتحاسبني أنا على شهادتك تحطها فين.. أنا ماليش دعوة”.

واختتم: “بعدين تيجي تقول إنتو اللي واخدين وضعكم في البلد، طيب تعالي قولي تعرف مين من الأرجنتين غير ميسي، تعرف مين البرازيل غير كريستيانو”.

اقرأ أيضًا:

بعد وعكة صحية مفاجئة.. عمر كمال يطلب الدعاء لوالدته

حدادًا على والدة رضا البحراوي، عمر كمال يؤجل طرح أغنيته الجديدة "غاب"

"بموت بالبطيء"، عمر كمال يروج لأحدث أعماله الغنائية