"ابن أمه بنسيبه لأمه" .. لقطة من "أشغال شقة" تثير الجدل

صورة أيقونية ظهرت في أحد مشاهد مسلسل الدراما الرمضانية "أشغال شقة" يظهر فيها العريس “حمدي” الذي يجسده الفنان هشام ماجد جالسًا على الكوشة وبجانبه والدته “الفنانة شيرين”، على كرسي العروس، “ياسمين” التي تجسدها الفنانة أسماء جلال، وتبدو واقفة وراءهما ناقمة.

أثارت الصورة جدلًا واسعًا بين رواد السوشيال ميديا، ما بين أمهات معجبات وفتيات غاضبات، وتصدرت المشهد عبارة "ابن أمه بنسيبه لأمه"

أنا وابني يومًا ما 

وضعت الكثير من السيدات من بينهم "دنيا" الصورة و عليها تعليق " أنا وابني يومًا ما "

ماما طيبة جدًا

بينما سخر أحمد من الأمر قائلا: " يا حبيبتي متقلقيش من ماما خالص دي حنينه وطيبه جدا وهتعاملك كأنك بنتها. أمه:  . . . "

ابن أمه بنسيبه لأمه

وحسمت ميريام الأمر بعبارة " يا جماعة بمناسبة مسلسل أشغال شقة هقولكم نصايح للتعامل مع ابن أمه.. بنسيبوهولها"

وشاركت إسراء الصورة معلقة: "أنا أقعد من غير جواز أحسن بجد. ابن أمه بنسيبه لأمه"

بنتي تقعد جنبي

وقالت مريم: “نفسي اعمل ليسته بأسامى كل الماميز اللى مشيرين الصوره دى، وبتقول: أنا وابنى مستقبلاً، علشان لما بنتى تكبر وتبقي عروسه على وش جواز، اراجع القايمه دى 😂😂. هى متتجوزش أحسن تعقد جنبى”.

خراب بيوت

بينما علقت ثريا: "إن شاء الله الناس اللي عملت شير - الصورة من مشهد في مسلسل العريس وأمه اللي قاعدين في الكوشة العروسة واقفة ورا الأم وقالوا ده أنا وابني يكونوا بيهرزوا! وإن شاء الله الناس اللي شافت الصورة ديه تكون فهمت إن ده هزار وميدخلش في اللاوعي إن ده عادي ومقبول. وإن شاء الله الأمهات اللي عندهم قناعة أربي وأكبر وتيجي واحدة تأخدة على الجاهز، يبدأوا يتعلموا تربية ودين، عشان ديه مشكلة كبيرة وسبب خراب بيوت كتير".