"مش هيسيبها تعيش بعيد عني".. شقيق ضحية القاضي السابق يكشف كواليس ما قبل الجريمة (خاص)

كشف شقيق ضحية القاضي السابق، المتهم بإنهاء حياة طليقته، تفاصيل صادمة لأول مرة حول شخصية المتهم وكواليس ما حدث قبل الجريمة، مؤكدًا أن الأسرة تعرضت لتهديدات مباشرة، إلى جانب محاولات للضغط عليهم من أجل التنازل عن القضية.

تفاصيل

وقال شقيق الضحية، في تصريحات لـ “تليجراف مصر”: المتهم كان نرجسي وصعب جدًا، وإحنا اكتشفنا ده بعد الجواز بيومين بس، وكان كداب في كل حاجة قالها من أول يوم".

اتجوزت على سنة الله ورسوله

وأضاف: “أختي اتجوزت بعد الطلاق منه على سنة الله ورسوله، والجواز كان بعلم وحضور الأسرة كلها، لكن بعد الجواز القاضي المتهم اتصل بي أكتر من مرة وهددني بنفسه، وقال إنه مش هيسيب أختي تعيش بعيد عنه وإنه هيقتلها”.

صدر نفسه بصورة المظلوم

وتابع شقيق الضحية: “قبل الجلسة اللي فاتت عرض علينا ملايين كدية للقتل، وإحنا رفضنا مرة واتنين وتلاتة، ولما اكتشف إن مفيش فايدة طلع يحاول يستعطف الناس ويصدّر نفسه بصورة المظلوم”.

اتخاذ الإجراءات القانونية ضد من يشوة سمعه شقيقته

وأكد: "أي حد هيجيب سيرة أختي أو يخوض في شرفها وسمعتها، أنا هقاضيه ومش هسيب حقها مهما حصل".

واختتم تصريحاته قائلًا: "الواقعة حصلت بتخطيط من المتهم بقاله شهور، والقتل كان مع سبق الإصرار والترصد، والنيابة العامة أثبتت ده بشكل واضح جدًا، وعندنا يقين إن ربنا مش هيسيب حقها ولا القضاء المصري هيسيبه.

اقرأ أيضًا:

صديقة ضحية القاضي: "حظر أولاده ولما عرف إنها اتجوزت قال هقتلها"