"عاوزين ياخدوا البيت".. سيدة تستغيث بعد التعدي على شقيقها بالإسكندرية

استغاثت سيدة تدعى “هدى” بعد تعدي عدد من الأشخاص على شقيقها بمنطقة غبريال باكوس التابعة لقسم رمل أول بمحافظة الإسكندرية.

سيدة تستغيث بعد التعدي على شقيقها بالإسكندرية

وقالت هدى في تصريحات لـ“تليجراف مصر”: “احنا ناس بسيطة وفي حالنا، بس عندنا ناس في الشارع عايزين يستولوا على البيت بتعنا بالعافية، واحنا رفضين كدا”.

وأكملت: "في يوم جم المتهمين لحد البيت عندنا عشان يتعدوا على أخويا أحمد نبيل أحمد، ويجبروه إنه يسيب البيت اللي عايش فيه، لكن هو رفض".

تفاصيل التعدي على الضحية والواقعة

وأضافت: “بعد ما أخويا رفض طلبهم، قرر المتهمون يتعدوا عليها ويوم الواقعة جه في البداية راجل مسن، وفضل ينادي على أخويا، عشان يستدرجوه، ولما قرر ما ينزلش من بيته، قرروا  أنهم يقتحموا البيت ويتعدوا عليه بشكل بشع”.

وتابعت: "أصابوا شقيقي بجرح نافذ في الرقبة، وقطع في أوتار اليد، وإصابات متفرقة بالرأس والأذن، وهو حاليا في العناية المركزة".

وأنهت حديثها: “أنا عايزة حقنا وحق أخويا، عشان حرام مستقبله يضيع بسبب شوية بلطجية، ونفسي كل المتهمين يتقبض عليهم عشان اتقبض على 2 بس من أصل 5 متهمين، وحررت محضر في قسم أول حمل رقم 5803 لسنة 2026، وواثقة إن القانون هيجيبلي حقي”. 

اقرأ أيضا:

"مراعاش إني ربيته وكبرته".. مُسن يستغيث بعد اعتداء ابنه عليه في البحيرة

قطع المياه في العيد.. شخص يتهم شقيقه “شيخ البلد” بمحاولة تطفيشه بالبحيرة