تامر حسني يهنئ أمه وطليقته بعيد الأم: "تعبتوا معانا"

بكلمات رقيقة، قدم المطرب تامر حسني رسالة شكر وعرفان إلى والدته، وطليقته بسمة بوسيل. 

وشارك تامر حسني منشورا عبر حسابه الشخصي على خلال موقع التواصل الإجتماعي “إنستجرام”، صباح الجمعة، قائلا: “جمعة مباركة.. النهاردة هكتب بوست عن الأم ونفسي من جوة قلبي تقرأوه من أخ لإخواته، وناتج من تجربة حقيقية بيني وبين أمي هحاول أختصرها لأن الكلام عن الأم يحتاج كتب كتير”.

وبدأ تامر حسني منشوره مؤكدا على ضرورة سماع نصائح الأم، لأن قلبها هو من يتكلم، ورصد موقفا له تجاهل فيه نصائح والدته عن صديق مخادع، قائلا: “أفتكر مرة زمان، أمى فضلت تقول لي على واحد صاحبي إنه مش كويس وغدار وحقود، وأنا فضلت أقول لها: حرام عليكِ، ده أحسن واحد في صحابي، وأدافع عنه باستماتة، لحد ما الأيام دارت، وفعلاً خرج منه الجرح الكبير والحقد الكبير اللي ميطلعش من إنسان بيكرهني أصلاً، وعرفت ساعتها إن فيه ناس حوالينا لابسين قناع الحب، لحد ما المصلحة تروح، وبعدين يبان وشهم الحقيقي، فعلمت نفسي ماتعشمش أوي في الناس، عشان لما يغدروا متعبش أوي، والناس الطيبين بجد أكيد هيبانوا و يبهرونا بحبهم وثباتهم الطويل، اللي مش مشروط ولا قائم على مصلحة، يعني برضو مش هنظلم حد كويس، بس هنلغي فكرة التسرع في العشم الزائد”.

وتابع تامر: “إوعى تقول إنك خلاص كبرت.. لأ مهما تكبر اسمع نصائح أمك، عشان هي إللي هتعرف تحميك”.

وأكد تامر حسني أن علاقته بوالدته قوية، وأنها بمجرد أن تضع يدها على رأسه، مهما كان شعوره بالتعب، يبرأ من تعبه، قائلا: والله بحس لو تعبان إني مرتاح، لو مهموم إني مبسوط، وكأنها بتشفط وبتسحب اي طاقة سلبية مش كويسة، وتحط لي طاقة جميلة كلها خير وراحة. و لما بشوفها بقول في سري: أنا بحمد ربنا عشان اتولدت لقيت الست دي أمي".

وقدم تامر حسني النصائح لجمهوره: "لكل شخص مزعل أهله يقوم يروح فورا يصالحهم.. عشان ربنا يخليك مجبور الخاطر.. و أكيد أتمنى لو يفضل ده شكل علاقتنا بيهم طول الحياة مش بس في عيد الأم. كل سنه وإنت طيبة يا أمي".

رسالة تامر لبسمة بوسيل 

‎واختتم تامر حسني منشوره بتوجيه رسالة لـ طليقته بسمة بوسيل قائلا: “كل سنة وإنت طيبة يا بسمة، وكل سنة ووالدتك الجميلة طيبة”. 

‎وسجل تامر رسالة لبسمة بوسيل: “أنا كل يوم يا بسمة بحكي لولادنا عن الأصول دي، ومصور لهم كل تعبك معاهم، ومجهودك لحظة بلحظة، عشان يعرفوا تعبنا عشانهم ازاي، ولما يكبروا إن شاء الله هما يعملوا كده مع ولادهم، وكمان يراعوا ربنا فينا لما احنا نكبر أوي. إن شاء الله هتشوفي فيهم كل الخير عشان إنت أم جميلة ومخلصة ليهم قدام ربنا. كل سنة وكل أم في الدنيا طيبة، ولكل أم مش معانا، ربنا يرحمها و يرفع من قدرها في الجنة”.

الدعاء لوالدة حمادة هلال

وفي سياق قريب، أكد الفنان حمادة هلال لـ"تليجراف مصر"، أن على الجميع أن يعرف قيمة أمه، وأن يخصص وقتا للجلوس معها والشبع منها.

وقام حمادة هلال بالدعاء لكل الأمهات جميعا، وطالب الجميع بالدعاء لأمه.

يعرف عن حمادة هلال ارتباطه الشديد بوالدته، وأن وفاتها كان بمثابة صدمة كبيرة له، حيث توفت يوم 8 يوليو عام 2020 بعد صراع مع المرض.

مشهد وفاة داوود