عمرو الليثي يهدي عامل نظافة 5000 جنيه.. "هيجيب بيهم كسوة العيد"

التقى الإعلامي الدكتور عمرو الليثي، خلال حلقة من برنامجه “واحد من الناس”، المذاع على قناة الحياة، عامل نظافة في أثناء آداء عمله بالشارع، وعرف نفسه باسم “جمال”.

وسأل الليثي “جمال” عن أحواله المعيشية، وأجاب بالقول، "شغال باليومية وعندي 64 سنة، ومعايا 3 أولاد متجوزين ومخلفين، وقاعدين معايا في البيت، والحمد لله مستورة ومصروفاتي الشهرية بسيطة".

عم جمال: ضميري مستريح ومش عايز حاجة 

أضاف جمال، "بدعي ربنا بالستر وبشكره على نعمه، وأنا مش عايز أي حاجة لأن ضميري مستريح ودايما بقول الحمد لله".

الليثي يقدم الشكر لـ عم جمال

الليثي عبر عن تقديره لعمل جال وزملائه، وقال له "انتم بتعملوا مجهود كبير، ومهما نشكركم مش هنوفيكم حقككم على اللي بتقدموه".

في نهاية اللقاء، قدم الليثي 5000 جنيه لـ"عم جمال"، كانت كفيلة بغمره بالسعادة والفرحة، ووصفها بـ"رزق عيالي وهجيب بيهم كسوة العيد".