"نفسي أكون مسك الختام".. رسالة مؤثرة من طليقة أحمد مكي في عيد ميلاده

حرصت طبيبة التجميل مي كمال الدين، على الاحتفال بعيد ميلاد طليقها الفنان أحمد مكي، حيث وجهت له رسالة طويلة مليئة بالمشاعر والحب، في إشارة إلى عودتهما مجددًا بعد فترة من الانفصال، الذي كان أُعلن عنه في سبتمبر 2025.

رسالة رومانسية من طليقة أحمد مكي في عيد ميلاده

وشاركت طليقة أحمد مكي عبر حسابها على "إنستجرام" صورة له تجمع ثلاث لقطات من مراحل عمرية مختلفة؛ إذ تظهر صورة طفولته في المنتصف، بينما تعرض الصورتان على الجانبين ملامحه في مراحل لاحقة من حياته، في لقطة تجسد رحلة تطور شكله وتغير ملامحه مع مرور السنوات.

وكتب طليقة أحمد مكي: "النهارده عيد ميلادك 19/06/1980، حبيبي كل سنة وأنت أغلى من الياقوت، أنا مكنتش عايزة أكون أول حد يقولك كل سنة وأنت طيب النهارده، علشان كل أول حاجة في حياتك كانت صعبة ومش حلوة، وأنت تعبت أوي، بس ربنا يقدرني أعوضك وأسعدك".

وأضافت: "بدعي ربنا أكون آخر حاجة في كل حاجة، أكون مسك الختام، حتى لو كنت أول حد دايمًا جنبك ومعاك، وبتمنى أكون آخر حب في قلبك، حتى لو كنت أول حد عرفك معنى الحب والأمان، وحبك حب غير مشروط ولاقى سعادته في ابتسامتك".

وواصلت طليقة أحمد مكي: "أول حد حبك أكتر من نفسه وخاف عليك أكتر من نفسه، بس نفسي أكون آخر شخص دخل قلبك واطمن له، وآخر حد تكمل معاه وتلاقي فيه راحتك، يمكن دي أمنية كبيرة، ربنا يقدرني أعوضك وأسعدك، بس دي الحقيقة اللي جوايا وبتمناها من ربنا".

واختتمت: "كل سنة وأنت طيب حبيبي وابني الجميل، وكل سنة وأنت أغلى من الياقوت، ويا رب تكون سنينك الجاية كلها رضا من ربنا وفرحة ونجاح وراحة لقلبك، وينور بصيرتك ويعوضك كل خير بكل اللي مريت بيه، بحبك يا كبير، مكي".

اقرأ أيضًا:

"بكره الست دي"، طليقة أحمد مكي تعلق على أزمته مع مديرة أعماله