راندا البحيري عن المتهمة في واقعة بائعة الشاي: "جيل إيجيبت" بينفذوا أچندة الغرب

علقت الفنانة راندا البحيري على واقعة هدير المعروفة إعلاميًا بـ "بائعة الشاي" التي لقيت مصرعها بحدائق الأهرام، معبرة عن استيائها من الفتاة المتهمة بقتل الأولى التي ظهرت خلال مقطع فيديو وهي مبتسمة وفي حالة من "اللامبالاة"، وهو ما دفع المتابعين للهجوم عليها.

ماذا قالت راندا البحيري عن واقعة بائعة الشاي؟

وكتبت راندا البحيري عبر حسابها على منصة "فيسبوك": "البنت اللي عندها 15 سنة صاحبة واقعة هدير الله يرحمها ويحسن إليها اللي كانت بتبيع شاي وقهوة في حدائق الأهرام".

وتابعت: "خدت بالي إن سؤال واحد هو اللي لافف السوشيال ميديا كلها وكله بيسأل عن الصورة اللي متصورة والبنت مبتسمة وعادية جدًا كأن محصلش حاجة، وطبعا كله نازل شتيمة في البنت الصغيرة دي وفاهمين إن البرود اللي هي فيه تقصده والبعض الآخر بيسأل فعلًا ومش فاهم البرود ده إزاي".

وأضافت: "أنا ممكن أقولكم ليه رد الفعل ده، السن ده اتربي كله في مدارس جوة بلدنا آه، بس مش مدارس مصرية، السن ده كل وشرب منتجات المقاطعة فقط، عملوا ترندات التيك توك بكل منتجات المقاطعة، عملوا كل حاجه الغرب عايزها، السن ده مُستَعمر من الغرب".

وأشارت راندا البحيري: "السن ده متقدملهوش أفلام غير أفلام الرعب و آخرهم obsession اللي موجود دلوقتي في السينمات، السن ده لما لعبوا لعبة كانت إنهم يعملوا فرق ويموتوا بعض بكواليتي رهيب أكنهم بيعملوا كده بجد، زي Pubg وMinecraft وRoblox وغيرهم، الألعاب دي هتخليهم عاملين زي البنت اللي في الصورة، عادي هي أصلا بتشوف دم يوميًا".

واختتمت: "هدير ضحية، وفي جيل كامل ضحية، اللي مولودين وعايشين في إيچيبت ومفيش عندهم مدارس تفهمهم الحرام من الحلال والصح من الغلط، المدارس دي عبيد لبلاد الغرب وبينفذوا أچندة واضحة جدًا، وطبعا أنا هنا بتكلم عن بعض (بعض فقط) من مدارس الإنترناشيونال اللي نفسي تمشي من مصر، رحم الله الشقيانة".

حادث بائعة الشاي

وكشفت التحريات الأولية، أن سبب الحادث، هو فقدان الفتاة السيطرة على السيارة أثناء سيرها بأحد شوارع المنطقة، لتنحرف بشكل مفاجئ نحو عربة القهوة، وتصطدم بالفتاة التي كانت تؤدي عملها، ما أسفر عن إصابتها بإصابات بالغة أسفرت عن وفاتها في الحال.

وحاول الأهالي، إنقاذ المجني عليها، حيث تم استدعاء سيارة الإسعاف ونقلها إلى المستشفى، إلا أنها فارقت الحياة متأثرة بإصابتها.

وتم تحرير محضر بالواقعة، واتخاذ الإجراءات القانونية اللازمة والتحفظ على السيارة، فيما تستمع جهات التحقيق إلى أقوال الشهود للوقوف على ملابسات الحادث.

اقرأ أيضًا:

السواق كان ماشي بجنون.. صديقة هدير بائعة الشاي: “ربنا يرحمها كانت غلبانة”

القبض على والد الطالب المتهم بالتسبب فى مصرع فتاة الشاي