“أبوها عمل معايا نفس الموقف”.. شاب يدخل على خط أزمة “عمر ودنيا” بسبب القايمة

عمر بسيوني ودنيا ياسر

A . .A

تصدر الزوجان عمر ودنيا، ترند المواقع البحثية خلال الساعات القليلة الماضية، بعدما ظهر شاب مصور يدعى عمر بسيوني ادعى أنه في كتب الكتاب على زوجته دنيا ياسر، مضى على قائمة منقولات على بياض، متهما أهل العروس بالنصب عليه.

واقعة “القايمة على بياض”

وبعد ساعات من تفاعل مستخدمو مواقع التواصل مع حالة الشاب عمر، ظهر شاب آخر يدعي أنه كان خطيب زوجة عمر السابق، كاشفا تفاصيل جديدة تشير إلى تعرضه لنفس ما تعرض له بسيوني. وقال إن أسرة العروس أخذت منه الشبكة وأموال تصل لـ200 ألف جنيه.

وأوضح الشاب خلال مقطع فيديو نشره عبر حسابه الشخصي، وأرفق معه صور خطبتهما التي انتهت في نوفمبر 2023: “أنا متفهم عمر جدًا وصعبان عليا لأن ده نفس اللي حصل معايا بالملي وكان طلعان عين أبويا في الشغل عشان أوفر شقة ونتجوز”.

دنيا ياسر وعمر بسيوني

وأضاف “الإكس” حسب مزاعمه: “خسرت فلوسي واديت أبوها 200 ألف جنيه في إيده.. واتذليت على 100 ألف جنيه خدهم مني.. واتنصب عليا في دهب مخدتهوش تحت مسمى إنت اللي سايب يبقى الدهب من حقها”.

وواصل: “الناس كلها عارفة أنا سبت ليه.. لما أبوها خيرني يا تختار أمك يا بنتي، ساعتها قولتله ضفر أمي عندي بالدنيا ومشيت وخسرت كل حاجة.. قهرة عمر ودموعه هي اللي خلتني اتكلم مع إني فضلت ساكت سنتين كاملين بس ربنا أراد الحقيقة تنكشف وأنا والله ما هسيب حقي”.

دنيا ياسر

وخرجت دنيا ياسر هي الأخرى، لترد حول ما أُثير عبر مواقع التواصل الإجتماعي، مبررة الإمضاء على قائمة المنقولات، أن عمر خطيبها لم يدفع شيئا مقابل الزواج، قائلة: “الفستان والبدلة والقاعة والأكل وكل شيء إعلانات ببلاش.. مجابش شبكة ومدفعش مهر ومكتبش مؤخر.. أنا مخدتش حاجة”.

وعن إمضاء عمر على قائمة منقولات على بياض دون علمه، ردت دنيا: “المأذون هو اللي قال لوالدي قدامك خيارين يا تكتب قايمة يا إيصال أمانة، ووالدي رفض الاختيار التاني لأنه بيعتبره زي ابنه.. ووالد العريس كان موجود في كتابة القايمة وعلى علم بيها”.

صاحبة واقعة "القايمة على بياض" ترد على اتهامات عريسها: "مدفعش حق المأذون ووالده كان عارف"