أحمد موسى يطالب برحيل أوسكار رويز: "بياخد مرتبه بالدولار ومطورش حاجة"

قال الإعلامي أحمد موسى “إننا لو عاوزين نطبق كلام الرئيس السيسي بالاعتماد على الكوادر الوطنية في المجال الرياضي، يجب أن نبدأ في التخلص من رئيس لجنة الحكام الكولومبي أوسكار رويز”، مردفًا: “عندنا حكام عالميين، ده بياخد مرتبه بالدولار، الراجل ده مش مطور حاجة”.

وأضاف موسى، خلال تقديم برنامج “على مسئوليتي”، عبر قناة «صدى البلد»، إن الحكام المصريين بخير، ولم نر من الخبير الأجنبي أي تطوير، كلنا شوفنا الحكم المصري في كأس العالم أفضل من حكام كثيرين.

مطالبات بإنهاء عهد الخبير الأجنبي.. دعوات للاعتماد على الحكم المصري

وتابع: “في حاجات كتير عليها علامات استفهام في عهد الحكم الكولومبي، لازم نبدأ الاعتماد على الحكم المصري في إدارة لجنة الحكام، ومش لازم نقسو على حكامنا؛ لأننا شوفنا كوارث في كأس العالم”.

وأكمل: “لازم نؤهل ونطور حكامنا بشكل احترافي علشان يكون عندنا 4 أو 5 أطقم تحكيمية في المنافسات، لازم نعتمد على كادر وطني قوي يؤهل الحكام، أنا النهارده أول مرة أعرف اسم الحكم ده، لازم نقول له شكرًا”.

وواصل: “أنا بقدم كتير في البرنامج عن الرياضة، وأول مرة يكون فيه حد أجنبي مسؤول عن ملف، ومش أعرف اسمه، ده دليل إنه مش ليه بصمة، عاوز أشوف اللي عايز يتكلم عن كابتن حسام حسن يقولك مصر هتتغلب من إيران وبلجيكا كام، يا جماعة عندهم مشاكل شخصية، مش عاوزين حسام يعمل اللي عمله، الرئيس السيسي كرم الكل النهارده".

وأردف: “حسام وأنتو ده أمر شخصي وموضوع آخر، الرئيس السيسي كرّم الجميع، وبفضل الله أول ناس اتكلمنا هنا في البرنامج على تكريم المنتخب؛ لأن رجالتنا وصلوا للأدوار الإقصائية، ولازم نقول لهم متشكرين، اللي بيقدم خدمة للناس ويساهم في رفع اسم البلد لازم نقول له متشكرين”.

واستطرد: “تكريم الرئيس السيسي اليوم صفعة إضافية على الصفعات لمن حاولوا أن يتصيدوا أخطاء للجهاز الفني، واللي شككوا في قدرته على تولي قيادة للمنتخب”.