والد ياسمين صبري يفتح النار عليها: "كدابة وبراوية"

انتقد الدكتور أشرف صبري، والد الفنانة ياسمين صبري، تصريحاتها بشأن أنها عاشت في طبقة متوسطة مثل بقية الشعب المصري، والتي أدلت بها مع الإعلامي عمرو أديب في برنامجه "بيج تايم".

وأكدت الفنانة ياسمين صبري، أنها نشأت في عائلة متوسطة، ودرست في المراحل الأولى من التعليم في المدارس الحكومية، وذلك قبل أن تنتقل لمستويات تعليمية أعلى بفضل والدتها، والتي سافرت بها للخارج لعيش حياة مرفهة، وتوفير كل متطلبات الحياة لها، حيث أنفقت على تعليمها في أفضل المدراس.

هجوم على ياسمين صبري 

وقال الدكتور أشرف صبري عبر صفحته الرسمية على موقع “فيسبوك”: "بعد الواحد لما كبر وشاف ولاده، يحمد ربنا إنهم اتربوا كويس، وبالرغم من إننا طبقة متوسطة، لكنهم عاشوا في بيت أبوهم، وبناتي درسوا في مدرسة EGC بتاعة الطبقة المتوسطة، وكنت مهتم إن مربيتهم  تكون فلبينية لأجل إنهم يتكلموا اللغة الانجليزية كويس جدًا، واشتغلت طبيب واتعلمت بره عشان ولادي ينجحوا في الطبقة دي وابني درس في مدرسة فيكتوريا".

وتابع : حاليًا ابني عايش في أمريكا بيشتغل بعد ما جوزته الحمدلله، ونرمينة بنتي جوزها دكتور أطفال وطبعا من الطبقة المتوسطة، والتانية طلعت فنانة -يقصد ياسمين صربري- وكمان عندي بنت فرنساوية كنت بفسحهم دايمًا في اليخت بتاعي الصغير بتاع الطبقة المتوسطة، ولما بتفرج على حفيدتي، بكون فرحان، ومنتظر عم بلال يجيب ليا ولي العهد يارب".

بنتي هتتجنن

وأضاف: "كلهم بيحبوا أبوهم وبنتي الكسندرا هتتجنن، وتزور مصر لإنها مع والدتها عايشة في فرنسا، ودا عشان تعيش مع أبوها، وهي الوحيدة البعيدة لكن لها أم محترمة، عرفت تخلي أبوها رمز حتى لو بعيد، ومنتظر وصولها بفارغ الصبر".

واختتم: "أحيانا يطلع ولد من أولادك براوي، وناكر للجميل، ويتكلم كإنه بيمثل فيلم كله اختراعات لكن هي دي  سنة الحياة، المهم إنهم عايشين كويسين وبخير، واحب أوضح إننا كنا سعداء أوي في الطبقة المتوسطة لحد دلوقتي جدًا الحمدلله".