بسبب "حبيتك".. مصطفى حدوتة يرد على الانتقادات الموجهة له

خرج الشاعر مصطفى حدوتة عن صمته للرد على موجة الانتقادات والسخرية التي تعرض لها خلال الساعات الماضية، بعد مشاركته في كتابة 3 أغنيات ضمن ألبوم عمرو دياب الجديد "حبيتك"، مؤكدًا أنه لن يتأثر بما يُكتب عنه وسيواصل العمل والاجتهاد.

رد مصطفى حدوتة على الانتقادات الموجهة له

وقال مصطفى حدوتة في فيديو نشره عبر حسابه على منصة "فيسبوك"، إن هناك الكثير من الهجوم الذي يطال نجاحاته وتعاونه مع كبار النجوم، مضيفًا: "كلام كتير بيتقال ليه مصطفى حدوتة يشتغل مع عمرو دياب ويعمل 3 أغاني، وليه يشتغل مع تامر حسني، وليه ينجح".

وأضاف: "لو فاكرين إن بعد الكلام ده هقعد في البيت وهكتئب أو أطلع أقول إني اتأثرت نفسيًا، لا ده مش هيحصل، هفضل طول الوقت بشتغل وبنجح، وأعمل كل اللي أقدر عليه علشان أقدم أغنية حلوة ومختلفة، وأبذل أكبر مجهود".

وأكد أنه يشعر بالفخر بكل الأعمال التي يقدمها، سواء حققت نجاحًا كبيرًا أو أقل من المتوقع، قائلًا: "أنا بفرح بكل الأغاني اللي بعملها سواء نجحت أوي أو منجحتش أوي، بس أنا دايمًا ناجح أوي".

وتحدث مصطفى حدوتة عن تعاونه مع عمرو دياب، مشيرًا إلى أن البعض كان يؤكد العام الماضي أنه لن يتعاون مع الهضبة مرة أخرى، لكنه عاد هذا العام ليكون الأكثر مشاركة في ألبوم "حبيتك"، موضحًا: "السنة اللي فاتت قالوا مصطفى حدوتة مش هيشتغل مع عمرو دياب تاني، والسنة دي الحمد لله أنا أكتر حد اشتغل مع عمرو دياب، وده توفيق من ربنا، وكمان بسبب العند، لأن أنا شخص عنيد جدًا".

واختتم رسالته بتوجيه حديثه إلى منتقديه، مؤكدًا أنه يعتبر الحديث عنهم منحه لهم اهتمامًا أكبر مما يستحقون، قائلًا: "حاسس إني بديكم أكتر من حقكم إني بتكلم عنكم في فيديو وبديكم أكبر من حجمكم".

تعاون مصطفى حدوتة مع عمرو دياب

وشارك مصطفى حدوتة في ألبوم عمرو دياب الجديد "حبيتك" بـ3 أغنيات وهي لولا البنات، والألوان، ووإنتي جنبي".

كلمات أغنية عمرو دياب الألوان

وجاءت كلمات أغنية "الألوان" كالتالي: "الأحمر شكله عليكي خطير وجنان خالص، يا فراولة أنا نفسي أشربها عصير، عطشان خالص، الأسود شكله عليكي رهيب وجميل خالص، طب ليه بيقولوا اللون ده كئيب، ده لذيذ خالص، حلوة الضحكة وحلو الفستان، آخر جمدان وجديد في جديد، ازاي حلوة في كل الألوان، بابا كان فنان يا حبيبتي أكيد، البني إنتِ احلويتي جواه، بسكوت خالص، أو هو احلو عشان لبساه، بقى موت خالص، الأبيض بيخليكي ملاك وقمر خالص، ولوحدك إنتِ في حتة هناك وعسل خالص، حلوة الضحكة وحلو الفستان، آخر جمدان وجديد في جديد، ازاي حلوة في كل الألوان، بابا كان فنان يا حبيبتي أكيد، الأحمر شكله عليكي خطير وجنان خالص، يا فراولة أنا نفسي أشربها عصير، عطشان خالص، الأسود شكله عليكي رهيب وجميل خالص، طب ليه بيقولوا اللون ده كئيب، ده لذيذ خالص، حلوة الضحكة وحلو الفستان، آخر جمدان وجديد في جديد، ازاي حلوة في كل الألوان، بابا كان فنان يا حبيبتي أكيد".

اقرأ أيضًا:

بعد تصدرها الترند.. كلمات أغنية عمرو دياب "الألوان"

تعليقات الجمهور على ألبوم عمرو دياب الجديد "حبيتك"