معاه إعدادية والمسدس لعبة.. أشقاء "القاضي المزيف" يكشفون مفاجآت جديدة

أثارت قضية القاضي المزيف، ضجة كبيرة خلال الفترة الماضية، بعدما قام شخص يدعى “مصطفى” بانتحال صفة قاضي والتقط مجموعة من الصور والفيديوهات له داخل محكمة بالقاهرة، ونشرها عبر صفحته بمواقع التواصل الاجتماعي للنصب على المواطنين.

شقيقة القاضي المزيف تكشف تفاصيل الواقعة 

وكشف شقيقة القاضي المزيف، طبيعة شخصية المتهم وطريقة تعامله مع أسرته، قائلة: “هو كان بيتنرفز علينا على طول، وماكنش بيجيله طول بال يقعد في البيت أصلًا، كان دايمًا بره على طول، وكان قليل لما بيجي يزورنا، وهو ساكن في إيجار حتى الآن”.

وأضافت شقيقة القاضي المزيف في أول ظهور لها عبر “تليجراف مصر”: “أخويا كان طالب في الإعدادية وساب المدرسة، ووفاة والدته أثرت عليه نفسيًا جامد لدرجة إنه ساب البيت ومشي”.

شقيق القاضي المزيف يرد على شائعات حول المتهم 

كما ظهر شقيق القاضي المزيف في مقطع الفيديو، وقال: “الناس بتتكلم عليه، وإحنا مش عايزين نتكلم مع حد، أنا بس حابب أوضح أن مفيش ولا 8 ملايين جنيه ولا الكلام ده”، وذلك ردا على المزاعم حول دفع المتهم مبالغ كبيرة مقابل التصوير داخل المحكمة.

محامي القاضي المزيف: المسدس لعبة

وقال المحامي أحمد حمد دفاع القاضي المزيف: "الواقعة دي حصلت في قرية، وأهل القرية كلهم عارفين بعض، وكلهم عارفين إن مصطفى معاه إعدادية، وعارفين إن مصطفى نفسيته تعبت بعد وفاة والدته، وساب البيت وساب البلد وعاش لوحده".

وأضاف حمد: "المسدس اللي كان معاه ده لعبة، ممكن يكون ولاعة بلاستيك، وأهله قالوا إن كان حلم أمه إنه يكون قاضي، فعلشان كده بدأ ينتحل صفة قاضي والأمر أثر عليه نفسيًا يعني، لكن أهله محدش يعرف إنه فعلًا كان منتحل صفة قاضي ومستشار زي ما بيقولوا، هما اتفاجئوا زي أي حد من الإعلام والسوشيال ميديا".

اقرأ أيضًا: 

شقيق القاضي المزيف: كان بيستلف مني أجرة المواصلات

ابعتلي فلوس أختي ماتت امبارح.. محامي يكشف كواليس محاولة "القاضي المزيف" النصب عليه