“صحيت لقيت نفسي ترند مصر”.. فتاة الأوبر تكشف تفاصيل مثيرة في أول ظهور

“انا نمت صحيت لاقيت نفسي ترند مصر”، بهذه الكلمات وصفت شيماء فتاة الأوبر أزمتها الأخيرة بعد ادعائها بقيام سائق في إحدى شركات النقل الذكي بالتحرش بها والتعدي عليها بالسب في القاهرة.

فتاة الأوبر تكشف تفاصيل مثيرة في أول ظهور

وقالت شيماء، في بث مباشر لـ"تليجراف مصر": “ في البداية الأمر كان طبيعي أول ما ركبت قلتله شغل التكييف وبدأنا الرحلة عادي وشغلنا مزيكا، وكنت راكبه بجوار السائق وأختي في الخلف”.

فتاة الأوبر تكشف هوية الشاب الذي كان برفقتهم

وأوضحت: "كان راكب معانا عيل صغير شغال معانا تعبان شويه وكان معاه الشنط بتاعته وركب بجوار أختي في الخلف، والكلام اللي تقال إن كان معانا شاب غير صحيح، لأن كان زمانه رد على السائق أو تدخل، لكن اللي كان معانا شاب صغير وتبعان وملناش علاقة بيه إحنا كنا واخدينه في طريقنا".

 السائق غلط وانا غلطت

وأضافت: “بعد كده تعدى عليا بالسب بسبب خلاف على الأجرة، واللي حصل مني في الفيديو كان رد فعل على كلامه الأول في العربية والإشارة اللي عملتها وضايقت الناس كلها كانت وقت عصبية، السائق غلط وأنا غلطت والناس كبرت الموضوع وأنا بعتذر للجميع".

لم انتحل صفة صحفية

وتابعت: “أنا منتتحلش صفة صحفية.. أنا كنت فعلا شغاله في جريدة.. بس بقالي فترة مرحتش المكتب.. وأظهرت كارينه خاص بأحد المواقع.. وبطاقة مدون عليها كلمة فني إدارة موقع إلكتروني".

إخلاء سبيل فتاة الأوبر والسائق بكفالة 5 آلاف جنيه

قررت جهات التحقيق، إخلاء سبيل سائق الأوبر والفتاة بواقعة ادعاء التحرش بكفالة 5 آلاف جنيه لكل منهما على ذمة القضية، ووجهت لهما تهمة تكدير السلم العام.

والدة فتاة أوبر تكشف تفاصيل جديدة في الواقعة

وفي وقت سابق، كشفت والدة شيماء المعروفة إعلاميًا بـ"فتاة أوبر"، تفاصيل جديدة حول الواقعة التي انتشر لها فيديو ظهرت خلاله وهي تعتدي على سائق بسبب خلاف على الأجرة وادعت تحرشه بها.

وقالت والدة الفتاة إن ابنتها لم تكن تقصد إيذاء أحد، مؤكدة: "بناتي أطيب منهم مافيش، وبنتي مريضة وأول مرة أشوف بنتي بالشكل ده، لأنها مش من طبعها تعمل كده".

وأضافت في تصريحات خاصة لـ"تليجراف مصر" أن ابنتها كانت قد قامت بتصوير مقطع فيديو لما حدث داخل السيارة، موضحة: "قولتلها تتنازل عشان معانا قده ومش بنحب نأذي حد".

وتابعت والدة شيماء أن الأمور تصاعدت بعد الواقعة، قائلة: "قال لنا قدام القسم هوريكم الحبس شكله إيه طالما كانت عايزة تحبسني"، مضيفة: "صحيت لقيت الدنيا مقلوبة على بنتي، ضيعوا مستقبلهم خلاص، دول بنتين وشهّر ببناتي".

وطالبت والدة الفتاة الجميع بتحري الدقة، قائلة: "اتقوا الله، كلنا هنروح لربنا، دي بنتي بتشتغل وعندها طفل بتصرف عليه".

بنتي لا تعمل في مجال الصحافة

وأوضحت أن ابنتها لا تعمل في مجال الصحافة كما تردد، قائلة: "هي مش صحفية، وكانت بتخوفه بس"، مشيرة إلى أن الإشارة التي ظهرت في الفيديو جاءت كرد فعل، بعدما قام السائق بفعل ذلك أولًا، مضيفة: "لكل فعل رد فعل".

وأكدت أن ابنتها تعرضت لمحاولة تحرش واعتداء داخل السيارة، قائلة: "حاول يتحرش بيها وضربها جوا العربية، وعشان بناتي رجالة مسكتوش".

“العجل لما يقع بتكتر سكاكينه”

واختتمت حديثها: “لو كل واحد في مصر دور على نفسه ودور جواه، هيلاقي إنه بيعمل حاجات أكتر من كده بكتير، بناتي شقيانين، وجسمهم بايظ من الوقفة والشغل، بس إحنا في بلد العجل فيه لما يقع بتكتر سكاكينه، ودول بنات لا حول ليهم ولا قوة، وأنا عايزة الرحمة لولادي، لأن مصر كلها ملهاش سيرة غيرهم”.

اقرأ أيضًا"

"عندها كهربا زيادة وارحموها عشان ابنها".. أول تعليق من أسرة "فتاة الأوبر" (خاص)