القاضي المزيف في التحقيقات: "كنت بغمز الحاجب بـ100 والناس بتحترمني"

في تطور جديد، كشفت التحقيقات مع  “مصطفى. ك” الشهير إعلاميًا بـ"القاضي المزيف" تفاصيل جديدة في القضية، وعن كيفية إقناع باقي المتهمين بالمشاركة معه.

التحقيقات مع القاضي المزيف

وحصلت "تليجراف مصر"على نص التحقيقات في القضية، حيث سبق اتهامه في قضيتي نصب سابقًا وجاءت أقوال المتهم الأول حيث قال: “اللي حصل إن أنا من حوالي 3 سنين اتحبست في قضيتين نصب في التبين، كنت منتحل فيهم شخصية مستشار في مجلس الدولة، وخرجت في آخر سنة 2023”.

وأضاف: “وبعد ما خرجت طبعًا، عشان كنت محبوس قبل كده، فالناس مكنتش بتعاملني حلو، ولقيت إن لما كنت بقول إني مستشار، الناس كانت بتشوفني حاجة كبيرة وبتعاملني كويس”.

وتابع: “بدأت أشتري بدل، واشتريت وشاح من على النت، وبدأت أقرأ عن شغل القضاة وأفهم، وعملت حسابات على مواقع التواصل الاجتماعي فيسبوك وإنستجرام وتيك توك، وبدأت أصور نفسي ببدل وأنزل صوري ببدلة ووشاح، ولقيت إن الكلام ده بيجيب مع الناس وبيشوفوني بمنظر أحسن”.

 بغمز الحاجب بـ100 جنية

وأكمل: “بدأت أروح دار القضاء العالي وأتصور هناك وأنزل صوري، لغاية ما من حوالي 3 شهور رحت محكمة شمال القاهرة واتعرفت على حاجب بيشتغل في المحكمة، وكنت بغمز له بمائة جنيه، فكان بيدخلني قاعة المداولة، وأخليه يصورتي صورتين كده وأنا لابس وشاح، ويدخلني قاعة المحكمة أقعد على المنصة ويصورني كام صورة كده، وفضلت أعمل كده حوالي خمس ست مرات، وأنزل الصور دي على إنستجرام وأعملها فيديوهات وأنزلها على تيك توك”.

وأضاف: “من حوالي شهر رحت محكمة شمال القاهرة ودخلت على عامل الأسانسير عشان يطلعني، فلقيته قالي: ده بتاع مستشارين، فقلت له إني قاضي في مجلس الدولة، فلقيته احترمني وراح مركبني الأسانسير وطلعني مكان ما أنا عاوز في الدور الثاني، وفي مرة كده رحت مصور فيديو وطلع معايا فيه عامل الأسانسير، وبيفتح لي الأسانسير، ونزلته على النت، اللي هو الفيديو اللي اتعرض عليا في النيابة النهارده".

القاضي المزيف: اتمسكت في عين شمس

وتابع:  “لقيت الحكومة يوم الجمعة اللي فاتت مسكتني من شارع محمد إمام في عين شمس، وطلعوا بيا على الشقة، فتشوها ولقوا الوشاح واللاب والكروت والأوراق اللي اتعرضت عليا، وراحوا طالعين بيا على القسم واتحجزت، لغاية لما لقيتهم طلعوني النهارده على النيابة وجيت عند سعادتك، وهو ده كل اللي حصل”.

اقرأ أيضًا:

ابعتلي فلوس أختي ماتت امبارح.. محامي يكشف كواليس محاولة "القاضي المزيف" النصب عليه