عامل الأسانسير يكشف حواره مع القاضي المزيف بالتحقيقات: "صورني وأنا بقوله يا باشا"

كشفت التحقيقات مع القاضي المزيف تفاصيل مثيرة، تكشف كيفية قيامه بإقناع عامل الأسانسير بأنه مستشار في مجلس الدولة وقيامه بتصوير العامل مقطع فيديو وهو يردد له الأخير كلمات “اتفضل يا باشا.. أؤمرني”. 

أقوال عامل الأسانسير في واقعة القاضي المزيف

وحصلت تليجراف مصر على أقوال عمال الأسانسير، الذي كشف التفاصيل الكاملة أمام جهات التحقيق، وجاءت الأقوال كالتالي":

س: ما سبب حضورك اليوم لسرايا النيابة؟ 

ج :أنا جيت عشان أشهد باللي أعرفه.

س: ما طبيعة عملك واختصاصك الوظيفي؟ 

ج: أنا بشتغل عامل على أسانسير في محكمة شمال القاهرة الابتدائية.

س: منذ متى وانت تباشر ذلك الاختصاص؟ 

ج: بقالي حوالي 6 سنين.

س: ما معلوماتك بشأن الواقعة محل التحقيق؟

اللي حصل إن من حوالي شهر كدا.. وأنا واقف على الأسانسير اللي بشتغل عليه في محكمة شمال القاهرة الابتدائية جالي واحد لابس بدله فقولتله اؤمر يا باشا.. قالي طلعني الدور الثاني فقلتله دا أسانسير القضاة.. فرد عليا وقال إنه مستشار مصطفى حاجة كدا بس مش فاكر إيه وقال إنه قاضي في مجلس الدولة فأنا طلعته ساعتها”.

 قعد يتردد بعدها كذا مرة على المحكمة وطلعته كذا مرة بحكم إنه قالي قبل كده إنه مستشار، وبعد كدا عرفت إن هو صور فيديو ومنزله على النت وأنا ظهرت في الفيديو وأنا بفتح له الأسانسير وبقوله (اتفضل يا باشا)، ولما عرفت إنه اتمسك بينصب على الناس على أساس إنه قاضي في مجلس الدولة جيت النيابة عشان أشهد باللي حصل مني.

وأين حدث ذلك؟

أول مرة جالي المحكمة كان من حوالي شهر، وكان بيتردد كذا مرة بعدها والكلام دا حصل في محكمة شمال القاهرة الابتدائية بالعباسية بالقاهرة.

 من وما سبب ومناسبة تواجدك بالمكان والزمان سالفي الذكر؟ 

عشان أنا شغلي هناك عامل على المصعد بتاع القضاة وأعضاء النيابة في المحكمة.

اقرأ أيضًا:

القاضي المزيف في التحقيقات: "كنت بغمز الحاجب بـ100 والناس بتحترمني"

القاضي المزيف في التحقيقات: “أنا بتاع طوب وقاعد في شقة بـ 800 جنيه”