ريم البارودي عن رفضها "رامز جاب من الآخر": يُهين ضيوفه

حلّت الفنانة ريم البارودي، ضيفة برنامج “العرافة” مع الإعلامية بسمة وهبة الذي يعرض عبر قناة “المحور” عقب أذان المغرب مباشرة.

وكشفت البارودي، سبب اعتذارها عن حلقة برنامج “رامز جاب من الآخر”، قائلة "مكنتش أعرف إننا هنكون أنا وسمية مع بعض في الحلقة، كنت مفكره إني هكون لوحدي، ورامز شخص لذيذ ودمه خفيف، بس تقيل في تقديمته، وتقيل في الهزار مع الضيف، ولو كان جايبني أنا وسمية الخشاب علشان يضحك علينا الوطن العربي كله ده عيب، وكدا إهانة متعمدة".

وأضافت "اللي بيقوله رامز مش هزار ده عيب، وأنا مش على خلاف مع سمية خالص، واتصالحنا من قبل 2021".

علاقة أحمد سعد وريم البارودي 

وعقّبت البارودي على سبب رفضها ذكر اسمها رفقة المطرب أحمد سعد، قائلة "بصراحة أنا بضايق من التريندات اللي من غير قيمة، والمواقع المتعمدة على التريندات، ومينفعش راجل يكون انفصل عن ست، فاتحطوا ستات تانية معاه، وتعملوا أفيش، كل واحد حاليا بقى عنده بيته وعنده حياته، وأنا بضايق بربط اسمي بأحمد سعد".

متابعي ريم البارودي 

وتابعت "أنا بتكلم مع متابعيني بعنف، ومش بعرف أمسك نفسي، ولو قدامي أمسكه من لسانه، ودول مرضى".

وأتمت البارودي: أنا عندي متابعين كويسين وبننزل نتقابل ونحتفل، وكانوا معايا في العزاء والتكريمات ودول ناس محترمة، أما الذباب الإلكتروني فدول مرضى نفسيين، وأنا كنت بالحجاب لأني كنت في بيت ربنا هلبس إيه غيره ساعتها".