ستي كانت بتردد مع المؤذن.. "تليجراف مصر" تسجل تفاعل المسيحيين مع طلب منع الأذان

لا يزال منشور ”تليجراف مصر" بشأن تصريحات صانعة المحتوى شيرين كامل المطالبة بمنع الأذان، ورد سيدة مسيحية عليها، يحصد تفاعلًا واسعًا؛ إذ تخطت الإعجابات حاجز 55 ألفًا ومئات التعليقات التي تؤكد الروح التي يتحلى بها المصريون عبر منصات التواصل الاجتماعي.

مطالبات بمنع الأذان.. والمصريون يضربون مثالًا للوحدة الوطنية

وعرضت "تليجراف مصر"، خلال منشورها طلب صانعة المحتوى شيرين كمال بمنع الأذان، قائلة: "نطالب بمنع ميكروفونات الأذان في مصر كلها.. كفاية"، في مقابل، ردت ماري عزيز: "ما تسكتي إنتي مالك بالسكة دي ولا عايزة تشعلليها.. وبعدين إنتي قاعدة في أمريكا، ومحدش وكلك تتكلمي عننا.. بلاش فتنة إحنا عاجبنا صوت الأذان بنقوم نصلي صلاة باكر على صوت أذان الفجر".

وتفاعل كثير من مستخدمي مواقع التواصل الاجتماعي مع المنشور عبر مواقع التواصل الاجتماعي، حيث قال حساب يٌدعى رامي سيدراك: "الإنسان السوي نفسيا هو اللي بيحترم معتقد الآخر".

وقالت بسمة شوقي: "أجمل حاجة فينا إننا إخوات ومهما حصل من فتن كلنا على قدر عال من الوعي، اللي يخلي مفيش أي حاجة تفرق بينا، كلنا مصريين مسلمين ومسيحيين".

وقال باسم ناصر: "أنا مسيحي وعندي قناعة إن احترام المسلم مش مجاملة دي أخلاق وإنسانية.. الأذان بالنسبة لأخويا المسلم عبادة، وأنا أحترم عبادته زي ما أحب الناس تحترم كنيستي وصلاتي مش لازم نكون واحد في الدين عشان نكون واحد في الوطن ومش لازم نلغي شعائر بعض عشان نثبت إننا بنحب بلدنا".  

وقال إبرام عادل: ستي الله يرحمها من الريف، لما كانت بتسمع الله أكبر والأذان كانت ترد وتقول الله أعظم والعظمة لله.. إحنا اتربينا على كده".

"كمسيحين اتعودنا على صوت الأذان"

وقال جون نصيف: "طب واحدة قاعدة في أمريكا إيه اللي يخليها تتكلم؟ يا ريت بس الناس تفهم إحنا كمسيحين اتعودنا على صوت الأذان.. أنا بنزل شغلي الفجر مش بنزل غير لما الأذان يأذن.. بحس بونس وأمان في الشارع.. ربنا يحفظ مصر وكل شعب مصر".

وقالت نادية محمد: "البوست ده بكلام ماري، وتعليقات المصريين تدرس للعالم في الإخوة والوطنية والإنسانية.. المصريين إخوات، مفيش مسلم ومسيحي كلنا مصريين".  

وقال حساب أحمد ربيع: "وأنا كمسلم متعود على صوت جرس الكنيسة.. لدرجة إني مظبط مواعيد شغلي عليه.. طبعا مفيش عندنا فرق بين مسلم ومسيحي لأننا كلنا في النهاية عايشين على أرض واحدة وبنشرب مياه واحده وبناكل أكل واحد وبنعبد رب واحد".

وأضاف عمر أحمد: "مسلم ومسيحي كلنا إخوات ومحدش هايعرف يوقع بينا.. كلنا واحد، وهايفضل صوت الأذان موجود، وأجراس الكنيسة وهافضل أربي ولادي.. كلنا إخوات".

وقال محمد عبدالسلام: "نحن مسلمين ومسيحيين في مصر نسيج واحد.. لا ينفع مسلم يغلط في مسيحي ولا في عقائده ولا مسيحي يغلط في مسلم ولا عقائده نحن إخوة وفي ترابط في هذا البلد الأمين تحيا مصر".

اقرأ أيضًا: 

بلاغ للنائب العام ضد المذيعة دينا المصري بتهمة ازدراء الأديان (خاص)