كريم عبد العزيز: اللي يحب حسن الصباح "عنده مشكلة"

تحدث الفنان كريم عبد العزيز عن نهاية مسلسل "الحشاشين" الذي يخوض به السباق الرمضانيّ لهذا العام، مشيرًا إلى أنها سوف تكون غير متوقعة.

وقال كريم عد العزيز، في لقائه على راديو 9090: مشهد قتل ابني في المسلسل كان فيه 80 إحساس، منها القسوة والأبوة، وكان لازم يبان الكِبر في شخصية حسن الصباح، وخطورة هذه الشخصية الضحكة في توقيت غلط هتوصل معنى تاني.

وتابع كريم، الناس بتقول أنهم حبوا حسن الصباح وده مش صح، هما حابين شخص كريم عبد العزيز وحصل خلط، ده واحد بيقتل وبيدعي الدين، لو حبيتوه يبقى عندنا مشاكل، ولو المشاهد كرهه أنا مينفعش أكرهه، ولو كرهته يبقى أعتذر عن المسلسل، لازم أصدق منطقه علشان أقدر أمثل الشر اللي الجمهور هيكرهه، وكان لازم نعمل حسن الصباح الأصلي، وكان لازم يكون عنده كاريزما وقبول.

مسلسل الحشاشين 

مسلسل الحشاشين من بطولة كريم عبدالعزيز، فتحى عبدالوهاب، نيقولا معوض، ميرنا نور الدين، أحمد عيد، إسلام جمال، محمد رضوان، سامى الشيخ، عمر الشناوى، نور إيهاب، سوزان نجم الدين، ياسر على ماهر وهو من تأليف عبدالرحيم كمال، وإخراج بيتر ميمى.